Алена Круглова: “Падтрыманне міру – наш агульны абавязак перад будучымі пакаленнямі”

На Нараджэнне Хрыстова, наведваючы царкву свяціцеля Мікалая Цудатворца ў Лагойску, Прэзідэнт Беларусі Аляксандр Лукашэнка падкрэсліў важнасць захавання міру: “Галоўнае – захаваць мір. Калі міру няма, то нічога не патрэбна”.

Сваім меркаваннем на гэты конт падзялілася дырэктар Новаяльнянскай сярэдняй школы імя А. А. Шаўчук Алена Круглова:

– З кожным днём мы ўсё больш усведамляем, наколькі важныя для нашага грамадства мірнае суіснаванне і стабільнасць. Час, у які мы жывём, патрабуе ад нас не толькі мудрасці, але і вялікага імкнення да міру.

У 2023 годзе Новаяльнянскай сярэдняй школе прысвоены ганаровы статус “Школа міру”. Наша навучальная ўстанова – гэта месца, дзе падрастаючае пакаленне вучыцца выказваць свае думкі, абмяркоўваць розныя пункты гледжання і паважаць меркаванне іншых.

Мірнае кіраванне Прэзідэнта Аляксандра Лукашэнкі і яго справы павінны стаць прыкладам для ўсіх нас. Нам неабходна падтрымліваць прынцыпы, якія ставяць дэмакратыю, правы чалавека і сацыяльную роўнасць галоўнымі над іншым. Кожны з нас можа ўнесці свой уклад у стварэнне больш светлай і мірнай будучыні для нашай краіны.

Я заклікаю ўсіх аб’яднацца на шляху да міру, каб нашы дзеці маглі расці ў здаровым і мірным грамадстве. Бо мір – гэта не проста адсутнасць вайны, але і актыўны стан, у якім людзі могуць развівацца, узаемадзейнічаць і вырашаць важныя сацыяльныя і эканамічныя праблемы. Стварэнне і падтрыманне міру – наш агульны абавязак перад будучымі пакаленнямі.

Ірына СТЫРНІК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga