Члены Савета Рэспублікі Нацыянальнага сходу Рэспублікі Беларусь Павел Ашурык і Андрэй Жамойда прынялі ўдзел у пасяджэнні Гродзенскага абласнога выканаўчага камітэта, на якім разглядалася пытанне аб забеспячэнні грамадскай бяспекі і дысцыпліны на Гродзеншчыне за восем месяцаў 2026 года.
– Выканаўчым камітэтам сумесна з кантралюючымі (нагляднымі) органамі на пастаяннай аснове праводзіцца работа па ўмацаванні грамадскай бяспекі і дысцыпліны, стварэнні дадатковых умоваў для бяспечнай жыццядзейнасці насельніцтва.
Аналіз выканання патрабаванняў Дырэктывы Прэзідэнта Рэспублікі Беларусь № 1 “Аб мерах па ўмацаванні грамадскай дысцыпліны” паказвае, што яна выконвае сваё прызначэнне. У Гродзенскай вобласці ў параўнанні з аналагічным перыядам мінулага года адзначаецца зніжэнне агульнай колькасці зарэгістраваных злачынстваў і дарожна-транспартных здарэнняў. Варта звярнуць увагу, што становіцца менш злачынстваў, учыненых у грамадскіх месцах і ў стане алкагольнага ап’янення.
Разам з тым у рэгіёне павялічваецца колькасць злачынных дзеянняў, якія адносяцца да катэгорый цяжкіх і асабліва цяжкіх, што адбылося ў асноўным з-за росту зарэгістраваных кіберзлачынстваў. Больш за палову ў структуры кіберзлачыннасці складаюць махлярствы і крадзяжы шляхам мадэфікацыі камп’ютарнай інфармацыі.
Таксама значна ўзрасла колькасць пажараў у рэгіёне, прычым значная іх частка ў жылым сектары. Гэта сведчыць аб неабходнасці павелічэння прафілактычнай работы сярод насельніцтва і павышэння ўсвядомленасці нашых суайчыннікаў аб неабходнасці захавання элементарных нормаў бяспекі. У сваю чаргу на тэрыторыі вобласці праходзіць шырокамаштабная інфармацыйная кампанія сярод насельніцтва аб эфектыўнасці аўтаномных пажарных апавяшчальнікаў, неабходнасці іх устаноўкі і своечасовага абслугоўвання, вядзецца работа па абсталяванні домаўладанняў гэтымі прыстасаваннямі, – адзначыў сенатар Павел Ашурык.
– Тэма прафілактыкі пажараў актуальная і для арганізацый розных формаў уласнасці. За восем месяцаў 2026 года органамі дзяржаўнага пажарнага нагляду праводзіліся праверкі, па выніках якіх прадпісана выкананне супрацьпажарных мерапрыемстваў. Таксама праведзена больш за тысячу маніторынгаў стану пажарнай бяспекі суб’ектаў гаспадарання і іх структурных падраздзяленняў, па выніках якіх прапанаваны да выканання супрацьпажарныя мерапрыемствы. Акрамя таго, скіравана адпаведная інфармацыя ў адрас выканаўчых камітэтаў і кіраўнікоў суб’ектаў гаспадарання аб ухіленні прычын і ўмоваў, якія спрыяюць учыненню правапарушэнняў у гэтай сферы.
Варта адзначыць, што прыярытэтным напрамкам работы праваахоўнага блока з’яўляецца выяўленне злачынстваў, звязаных са збытам наркатычных сродкаў і псіхатропных рэчываў. Пры гэтым у цяперашні час фактарам, які аказвае найбольш адчувальны ўплыў на фарміраванне крымінагеннай сітуацыі па лініі наркакантролю, застаецца распаўсюджванне наркотыкаў па сродках спецыялізаваных інтэрнэт-магазінаў. Першачарговая ўвага надаецца ўстанаўленню і прыцягненню да адказнасці асоб, датычных да арганізацыі і злачыннай дзейнасці інтэрнэт-магазінаў. У студзені-жніўні 2026 года ўзбуджаны крымінальныя справы на 24 асобы такой катэгорыі, ліквідавана дзейнасць чатырох інтэрнэт-магазінаў, якія займаліся збытам наркотыкаў, выяўлена тры каналы ўвозу наркотыкаў з-за мяжы.
Таксама прымаюцца меры, скіраваныя на знішчэнне мясцовай наркатычнай сыравіннай базы. У бягучым годзе органамі ўнутраных спраў вобласці выяўлены памяшканні, спецыяльна прыстасаваныя для вырошчвання наркаўтрымліваючых раслін, – зазначыў сенатар Андрэй Жамойда.
– Разам з тым патрабуецца прыняцце дадатковых дзейсных мер па ўмацаванні грамадскай бяспекі і дысцыпліны, скіраваных на зніжэнне гібелі і траўмавання людзей, і асабліва ў сферы супрацьдзеяння кіберзлачынствам.
Пытанне магчымых карэкціровак заканадаўства ў гэтай галіне застаецца актуальным і для парламентарыяў. Выканаўчыя органы сумесна з прафсаюзнымі і зацікаўленымі кантрольнымі (нагляднымі) органамі прадаўжаюць работу па забеспячэнні здаровых і бяспечных умоваў працы ў арганізацыях вобласці, прафілактыцы вытворчага траўматызму, забеспячэнні ў арганізацыях працоўнай і вытворчай дысцыпліны, – падкрэслілі парламентарыі.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
У Новаяльнянскім сельвыканкаме прайшло чарговае пасяджэнне мясцовага савета грамадскага пункта аховы правапарадку, сумешчанае з выязным…
Раённы семінар-прэзентацыя для кіраўнікоў і галоўных аграномаў гаспадарак Дзятлаўшчыны з дэманстрацыяй у полі гібрыдаў кукурузы…
Рэспубліканская прафілактычная акцыя “Стань прыкметным у цёмны час сутак” праходзіць у Беларусі для павышэння бяспекі…
На Дзятлаўшчыне працягваецца месячнік па добраўпарадкаванні. Работнікі раённага выканаўчага камітэта зноў выйшлі ў гарадскі цэнтральны…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
С наступлением отопительного сезона риск возникновения пожаров в жилом секторе традиционно возрастает. Чтобы предотвратить беду…