Актуальны каментарый. Андрэй Жамойда: “Прыватны і дзяржаўны сектары эканомікі павінны ўзаемадзейнічаць”

У Палацы Незалежнасці прайшла адкрытая размова Прэзідэнта Рэспублікі Беларусь Аляксандра Лукашэнкі і прадстаўнікоў прыватнага бізнесу, якія за гады работы ў роднай краіне змаглі заявіць пра сябе і сталі паспяховымі.

Галоўнай тэмай сустрэчы стала ўзаемавыгаднае супрацоўніцтва дзяржавы і прыватнага сектара эканомікі, а таксама дзяржаўная падтрымка прыватных прадпрыемстваў. Член Савета Рэспублікі Нацыянальнага сходу Рэспублікі Беларусь, дэпутат Гродзенскага абласнога Савета дэпутатаў, дырэктар ДП “Конус” Андрэй Жамойда падзяліўся сваім меркаваннем па гэтай тэме:

– Размова Прэзідэнта і прадпрымальнікаў, якая нядаўна адбылася ў Мінску, была неабходнай і своечасовай. На сёння 37 % выручкі ВУП Рэспублікі Беларусь належаць прыватнаму бізнесу. Галоўны пасыл размовы: недзяржаўных чужых людзей у нас няма, а значыць кожны прадстаўнік прыватнага бізнесу, які працуе сумленна, празрыста, павінен адчуваць сябе ў сваёй краіне ўпэўнена і бяспечна. Найперш гэта тычыцца буйных вытворчых кампаній, якія наладзілі вытворчасць, стварылі істотную колькасць працоўных месцаў, у тым ліку з удзелам высокакваліфікаваных спецылістаў, якія атрымалі адукацыю ў роднай краіне. Для такіх калектываў павінны быць створаны дастойныя, камфортныя ўмовы працы. Так і адбываецца ў нас: прыватныя кампаніі працуюць на высокім узроўні, як і дзяржаўныя, ствараюць прадукцыю, якая запатрабавана ў Беларусі, актыўна пастаўляецца на экспарт, удзельнічаюць у дзяржаўных інвестпраграмах (у іх ліку “Адзін раён – адзін праект”). Прыватны і дзяржаўны сектары эканомікі павінны кааперыравацца ў асобных праектах і ўзаемадзейнічаць на роўных, каб працаваць на карысць, дабрабыт нашых людзей і краіны ў цэлым.

Наталля АВЯРЧУК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga