Акцыя “Ад усёй душы”. Дабрадзеі завіталі з падарункамі

У рамках дабрачыннай рэспубліканскай акцыі “Ад усёй душы” пажылыя людзі Дзятлаўшчыны зноў прымалі віншаванні.

На гэты раз дабрадзеі завіталі ў дом і кватэру самастойнага сумеснага пражывання аграгарадка Гезгалы.

Здароўя, актыўнага даўгалецця, дабрабыту і выдатнага настрою атрымальнікам сацыяльных паслугаў дома сумеснага пражывання пажадалі начальнік упраўлення па працы, занятасці і сацыяльнай абароне райвыканкама Алена Васкель, галоўны спецыяліст КСУП “Жукоўшчына” Ірына Красоўская, загадчыца аддзялення сацыяльнай дапамогі на даму Цэнтра сацыяльнага абслугоўвання насельніцтва Дзятлаўскага раёна Іна Петрукевіч.

Пры наведванні кватэры самастойнага пражывання да Алены Васкель і Ірыны Красоўскай далучыліся намеснік пракурора Дзятлаўскага раёна Сяргей Аляшкевіч і следчы раённага аддзела Следчага камітэта Вольга Жыбко.

У адрас людзей пажылога ўзросту гучалі цёплыя віншаванні і сардэчныя пажаданні, ім уручылі падарункі і пачастункі.

Прыемным сюрпрызам для кожнага насельніка кватэры самастойнага сумеснага пражывання стаў падарунак-пачастунак ад КСУП “Хвінявічы”.

Падапечныя дома і кватэры з вялікай радасцю сустракалі гасцей і былі ім вельмі ўдзячны за ўвагу, клопат і добры настрой у такі цудоўны святочны час.