У “АграМілк” – сельскагаспадарчым філіяле рэспубліканскага даччынага ўнітарнага прадпрыемства па забеспячэнні нафтапрадуктамі “Беларуснафта – Гроднааблнафтапрадукт” (былое КСУП “Русь-Агра”) стараюцца хутчэй убраць з палеткаў салому.
Гэта праца ў гаспадарцы даручана механізатарам Валерыю Гурначу і Юрыю Чэпукойцю.
На рахунку Валерыя – 250 рулонаў, а кожная такая “котка” важыць па 700 кілаграмаў.
Але для прэс-пагрузчыка такая вага – пад сілу: падхоплівае рулоны і грузіць на платформу.
Палеткі, дзе жніво закончана, неабходна хутчэй вызваляць ад саломы. Працаўнікоў прыспешвае наступны клопат – надыходзіць сяўба азімага рапсу.
Інэса МІХАЙЛОЎСКАЯ
Фота Вольгі ЮШКЕВІЧ
Подписывайтесь на телеграм-канал «Гродно Медиа Group» по короткой ссылке @GrodnoMediaGroup
