Пытанне: як даведацца, ці пакінуў завяшчальнік завяшчанне? Калі яно згублена, хто можа атрымаць дублікат і колькі гэта будзе каштаваць?
Адказвае натарыус натарыяльнай канторы Дзятлаўскага раёна Жанна Сёмуха:
– Звесткі аб завяшчанні выдаюцца завяшчальніку пры жыцці, а пасля яго смерці – жонцы (мужу), бацькам, усынавіцелям, дзецям, у тым ліку ўсыноўленым, унукам, родным братам і сёстрам, дзядулю, бабулі, асобе, на імя якой складзена завяшчанне.
Атрымаць інфармацыю аб наяўнасці завяшчання можна пры афармленні спадчынных правоў або ў натарыуса. Пры гэтым неабходна будзе прадаставіць дакументы, якія сведчаць асобу, пацвярджаюць паўнамоцтвы прадстаўніка, факт смерці спадчынадаўца і роднасных адносін.
Дублікат завяшчання можа атрымаць сам завяшчальнік, а пасля яго смерці – названыя спадчыннікі, а таксама выканаўца завяшчання. У выпадку смерці спадчынніка дублікат завяшчання можа быць выдадзены яго спадчыннікам. Натарыусу неабходна будзе прадаставіць вышэйуказаныя дакументы.
Натарыяльны тарыф за выдачу дубліката складае адну базавую велічыню. Пенсіянеры, інваліды I або II групы вызваляюцца ад дадзенай выплаты ў памеры 50 %.
Таццяна ГРЫЦУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
