4 верасня у 12.30 у Дзятлаўскім раённым цэнтры культуры і народнай творчасці стартуе дабрачынны праект “Ад сэрца да сэрца”. Аўтарам яго з’яўляецца культарганізатар сектара па рабоце з моладдзю Ала Чарняўская.
У дабрачынным мерапрыемстве прымуць удзел лепшыя выканаўцы Дзятлаўшчыны.
Сабраныя ў час канцэрта грошы будуць пералічаны на дабрачынны рахунак у дапамогу хвораму хлопчыку, якому неабходна прайсці рэабілітацыю у Кітаі.
Канцэртная праграма, якая адбудзецца на пачатку верасня, стане першай “ластаўкай” дабрачыннага праекта “Ад сэрца да сэрца”. Прадоўжыцца ён да 25 снежня. У час фінальнага гала-канцэрта будуць падведзены вынікі праекта.
Падрыхтавала да друку А. ДУБРОЎСКАЯ
