Аб прымаемых мерах па імпартазамяшчэнні і скарачэнні імпарту

На калегіі Камітэта дзяржаўнага кантролю Гродзенскай вобласці разгледжаны вынікі кантролю за мерамі, што прымаюцца па імпартазамяшчэнні і скарачэнні імпарту ў рэгіёне.

Аналіз статыстычных даных паказвае, што ў Гродзенскай вобласці за 2017 год сальда знешняга гандлю таварамі склалася станоўчым, паслугамі – адмоўным. З году ў год павялічваецца доля вобласці ў агульным па рэспубліцы аб’ёме імпарту тавараў, пры гэтым доля экспарту тавараў зніжаецца. Акрамя таго, у 2017 годзе тэмп росту імпарту як па таварах, так і па паслугах перавысіў тэмп росту экспарту.

Праведзены аналіз, які праводзіцца ў галіне работы па імпартазамяшчэнні, паказаў, што не ўсе мерапрыемствы эфектыўныя, маюцца пралікі на этапе іх планавання і рэалізацыі, а таксама рэзервы для скарачэння імпарту. Не ўсімі арганізацыямі вобласці выконваюцца запланаваныя ў адпаведнасці з праграмамі дзеянняў па імпартазамяшчэнні Гродзенскай вобласці аб’ёмы вытворчасці і экспарту імпартазамяшчальнай прадукцыі.

Многія буйныя праекты ў вобласці рэалізуюцца без належнай іх прапрацоўкі. І гэта як праекты арганізацый камунальнай формы ўласнасці, так і рэспубліканскай, а таксама без ведамаснай падпарадкаванасці.

Па-ранейшаму высокай застаецца доля продажу імпартных тавараў у рознічным тавараабароце арганізацый гандлю.

На калегіі Камітэтам дзяржаўнага кантролю Гродзенскай вобласці дадзены прапановы па павышэнні эфектыўнасці рэалізуемых мерапрыемстваў па імпартазамяшчэнні і скарачэнні імпарту.

Аляксандр САДАЎНІЧЫ,
першы намеснік старшыні Камітэта дзяржаўнага кантролю Гродзенскай вобласці