У верасні 2015 года фінансавай міліцыяй горада Слоніма сумесна з калегамі з падатковай інспекцыі праводзіліся праверачныя мерапрыемствы ў дачыненні да індывідуальнага прадпрымальніка Ю., які ажыццяўляе рознічны гандаль складанабытавой тэхнікай у горадзе Ваўкавыску. Варта адзначыць, што раней прадпрымальнік трапляў у поле зроку фінансавай міліцыі ў сувязі з тым, што прывозіў з Рэспублікі Польшча шырокадыяганальныя тэлевізары, а затым прадаваў іх у сваім гандлёвым аб’екце, не маючы афіцыйных дакументаў, якія сведчаць аб іх паступленні ў гандлёвы аб’ект, і, адпаведна, кантрольных (ідэнтыфікацыйных) знакаў. У 2013 годзе індывідуальны прадпрымальнік Ю. прыцягваўся да адказнасці фінансавай міліцыяй горада Слоніма за падобнае парушэнне, “зарабіўшы” не толькі штраф, але і канфіскацыю тэхнікі без дакументаў. Але мінулы ўрок не пайшоў на карысць: у гандлёвым аб’екце зноў прапаноўваліся для рэалізацыі тэлевізары коштам больш за 54 млн. рублёў, на якія адсутнічалі дакументы і абавязковая для дадзенага тыпу тавараў маркіроўка кантрольнымі (ідэнтыфікацыйнымі) знакамі. Даведаўшыся, што да яго з праверкай ізноў прыехала фінансавая міліцыя і падатковая інспекцыя са Слоніма, і ўсвядоміўшы дапушчаныя парушэнні, індывідуальны прадпрымальнік не стаў выдумляць сабе апраўданняў і заявіў хадайніцтва аб разглядзе ў эканамічным судзе справы аб адміністрацыйным правапарушэнні па ч. 4 арт. 12.17 і арт. 12.35 КоАП Рэспублікі Беларусь пры яго адсутнасці. Вынік: сукупны штраф у суме 1,440 млн. рублёў і канфіскацыя тавару коштам больш за 54 млн. рублёў.
Калі вам вядомы факты аб ажыццяўленні гандлю індывідуальнымі прадпрымальнікамі або юрыдычнымі асобамі (прадпрыемствамі) таварамі без дакументаў, а таксама аб незаконнай прадпрымальніцкай дзейнасці, у тым ліку прадметамі адзення, абутку, вырабамі з каштоўных металаў, складанабытавой і вылічальнай тэхнікай, алкагольнымі і спіртазмяшчальнымі вадкасцямі, у тым ліку за замежную валюту, Слонімскі МА УДФР гатовы разгледзець адпаведную інфармацыю з прымяненнем да парушальнікаў мераў адказнасці ў адпаведнасці з заканадаўствам Рэспублікі Беларусь. Нашы тэлефоны і кантактныя дадзеныя: 8(01562)6-43-80, 6-43-81, 6-43-82, горад Слонім, вул. Горкага, 22.
С. ТУПТАЛА,
начальнік Слонімскага МА УДФР КДК па Гродзенскай вобласці
