“У новы год па “Добрай дарозе!” — так гучаў дэвіз чарговага адзінага дня бяспекі дарожнага руху, які прайшоў па ўсёй краіне у канцы студзеня і быў накіраваны на прапаганду захавання правіл дарожнага руху ўсімі ўдзельнікамі дарожнага руху.
У рамках адзінага дня старэйшы інспектар Дзятлаўскага РАУС Н. Акуновіч наведала Хвінявіцкі дзіцячы сад-сярэднюю школу і правяла прафілактычныя сустрэчы з навучэнцамі. Інспектар адзначыла, што дарога не даруе памылак, а каб яна была добрай, трэба няўхільна выконваць правілы дарожнага руху. Дрэнныя паводзіны на дарозе, легкадумнае стаўленне да бяспекі і закону, агрэсія і непавага да іншых удзельнікаў дарожнага руху — гэта тыя прычыны, якія прыводзяць да дарожна-транспартных здарэнняў і непапраўных ў выніку іх здзяйснення наступстваў. Інспектар напомніла, што неабходна быць узаемнаветлівымі на дарогах.
Жанна Будзевіч
Подписывайтесь на телеграм-канал «Гродно Медиа Group» по короткой ссылке @GrodnoMediaGroup
