У рамках рэспубліканскай пажарна-прафілактычнай акцыі “За бяспеку разам”, якая скіравана на папярэджанне пажараў і гібелі людзей ад іх, у Дзятлаўскім раённым цэнтры культуры прайшоў навучальны семінар для прадстаўнікоў суб’ектаў прафілактыкі раёна і членаў назіральных камісій.
Узначаліў яго намеснік старшыні Дзятлаўскага раённага выканаўчага камітэта Ігар Кухарэвіч.
З удзельнікамі семінара абмяркоўваліся пытанні правядзення пажарна-прафілактычнай работы, методыкі абследавання жылога сектара і прадухілення правапарушэнняў.
Намеснік начальніка Дзятлаўскага раённага аддзела па надзвычайных сітуацыях Аляксандр Беленка звярнуў увагу прысутных на ўзаемадзеянне і ўзаемаабмен інфармацыяй паміж суб’ектамі прафілактыкі раёна, давёў патрабаванні нормаў і правілаў пажарнай бяспекі ў жылым сектары, нагадаў аб захаванні мераў бяспекі ў дамах.
Акрамя гэтага, з актуальнай інфармацыяй выступілі прадстаўнікі Дзятлаўскай энергагазінспекцыі, Цэнтра сацыяльнага абслугоўвання насельніцтва, аддзела адукацыі, спорту і турызму Дзятлаўскага райвыканкама, доктар-псіхатэрапеўт і нарколаг Дзятлаўскай ЦРБ.
Мерапрыемства дазволіла не толькі абмеркаваць існуючыя праблемныя пытанні, але і выпрацаваць прыярытэтныя напрамкі ў далейшай рабоце.
Марта МІЛАШ,
інспектар Дзятлаўскага РАНС
