Паважаныя работнікі бытавога абслугоўвання насельніцтва і жыллёва-камунальнай гаспадаркі, ветэраны галіны! Ад усёй душы віншуем вас з прафесійным святам.
Святло і цяпло ў дамах, якасныя бытавыя паслугі – усё гэта робіць наша паўсядзённае жыццё лепшым. Ваша прафесійная дзейнасць заўсёды на віду, і ад таго, наколькі яна паспяховая і эфектыўная, залежыць якасць жыцця, камфорт і настрой людзей. Спадзяёмся, што і ў далейшым усе прафесійныя задачы вы выканаеце годна, а ўвага і добразычлівасць да людзей будуць візітнай карткай прадпрыемстваў бытавога абслугоўвання і жыллёва-камунальнай гаспадаркі Дзятлаўскага раёна.
У гэты святочны дзень жадаем вам моцнага здароўя і сямейнага дабрабыту. Няхай аптымізм і бадзёрасць духу стануць падмуркам новых прафесійных поспехаў на карысць усіх жыхароў вобласці.
Раённы Савет дэпутатаў
Раённы выканаўчы камітэт
