У Дзятлаўскім раёне прайшоў другі этап спецыяльнай праграмы «Допінг». Яна скіравана на папярэджанне, выяўленне, раскрыццё злачынстваў, звязаных з паступленнем у незаконны абарот лекаў, якія ўтрымліваюць наркатычныя сродкі і псіхатропныя рэчывы, канфіскацыю наркатычных сродкаў і псіхатропных рэчываў, вырабленых з лекавых прэпаратаў у хатніх умовах або ў падпольных лабараторыях.
У час правядзення праграмы супрацоўнікі міліцыі выявілі факт няздачы жыхаркай Дзятлаўскага раёна ва ўстановы аховы здароўя лекавых прэпаратаў «Трамадол» (10 таблетак) і «Дыязепам» (3 ампулы), якія ўтрымліваюць небяспечнае псіхатропнае рэчыва.
Па факце праводзіцца праверка, у Дзятлаўскую цэнтральную раённую бальніцу ўнесена прадстаўленне аб ухіленні прычын і ўмоваў, якія спрыяюць учыненню правапарушэнняў і злачынстваў.
Міліцыя просіць паведамляць аб вядомых фактах абароту наркатычных сродкаў і псіхатропных рэчываў у групу наркакантролю і супрацьдзеяння гандлю людзьмі аддзела ўнутраных спраў
Дзятлаўскага райвыканкама па тэлефонах: 2-15-23 або 101. Ананімнасць гарантуецца.
Валерый БАРОЎСКІ,
оперупаўнаважаны групы наркакантролю і супрацьдзеяння гандлю людзьмі АУС Дзятлаўскага райвыканкама
