Навучэнка Новаяльнянскай сярэдняй школы імя А. А. Шаўчук Алена Ярмоленка стала абсалютнай фіналісткай міжнароднага конкурсу сачыненняў “Без тэрміну даўнасці”, прысвечанага падзеям Вялікай Айчыннай вайны.
Конкурс праводзіцца Міністэрствам асветы Расіі з 2019 года, арганізацыйную падтрымку пры правядзенні аказвае Асацыяцыя школ Расійскай Федэрацыі і Рэспублікі Беларусь. Праект скіраваны на захаванне гістарычнай праўды і памяці.
Сёлета ў конкурсе з беларускага боку прымалі ўдзел не толькі школьнікі, але і навучэнцы ліцэяў і каледжаў. Па выніках заключнага этапу, які адбыўся ў сакавіку, прадстаўнікі Беларусі сталі лаўрэатамі разам з удзельнікамі з Казахстана, Таджыкістана, Узбекістана і 89 суб’ектаў Расійскай Федэрацыі.
Алена Ярмоленка ўвайшла ў чацвёрку абсалютных фіналістаў конкурсу са сваім сачыненнем “Маленькія героі вялікай краіны”.
Варта адзначыць, што канкурэнцыя і адбор пераможцаў былі вельмі сур’ёзнымі. Так, толькі наша краіна ў гэтым годзе прадэманстравала самую высокую актыўнасць сярод іншых дзяржаў: у агульнай колькасці пададзеных работ на конкурс “Без тэрміну даўнасці” беларусы прадаставілі 741 сачыненне. Самымі актыўнымі з канкурсантаў былі члены Асацыяцыі школ Расійскай Федэрацыі і Рэспублікі Беларусь.
Віншуем нашу зямлячку Алену Ярмоленка з перамогай у патрыятычным міжнародным праекце.
Ірына СТЫРНІК
Фота Новаяльнянскай сярэдняй школы імя А. А. Шаўчук
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#нашелучшее #нашалепшае
