Рашэннем Гродзенскага абласнога інстытута развіцця адукацыі Дзятлаўскі раённы цэнтр карэкцыйна-развіваючага навучання і рэабілітацыі заняў першае месца ў абласным этапе рэспубліканскага агляду-конкурсу, прысвечанага Году добраўпарадкавання. Конкурс праводзіўся з 2 ліпеня па 25 жніўня.
Мэтай мерапрыемства з’яўлялася стымуляванне ініцыятыў у сферы добраўпарадкавання і азелянення тэрыторый адукацыйных установаў, стварэнне спрыяльных і бяспечных умоў для навучання і выхавання, а таксама павышэнне эстэтычнай прывабнасці ўстановаў адукацыі.
Дзятлаўскі раённы ЦКРНіР быў адзначаны дыпломам I ступені ў намінацыі “Эстэтыка тэрыторыі ўстановы адукацыі”. Перамога з’яўляецца прызнаннем паспяховай работы калектыву ўстановы па стварэнні камфортнай і эстэтычна прывабнай прасторы для дзяцей з асаблівымі адукацыйнымі патрэбамі.
Значная ўвага была нададзена арганізацыі бяспечнага і даступнага асяроддзя, а таксама выкарыстанню элементаў ландшафтнага дызайну, якія спрыяюць сэнсарнаму развіццю і эмацыйнаму дабрабыту навучэнцаў.
Дасягненне стала вынікам сумесных намаганняў педагогаў, спецыялістаў і адміністрацыі ЦКРНіР, накіраваных на стварэнне аптымальных умоў для развіцця кожнага дзіцяці і фарміравання пазітыўнага іміджу ўстановы ў рэгіёне.
Лілія ШУМСКАЯ,
настаўнік-дэфектолаг Дзятлаўскага раённага ЦКРНіР
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
