Шчырыя словы віншаванняў прывёз працаўнікам КСУП “Войневічы” старшыня раённай прафсаюзнай арганізацыі Беларускага прафсаюза работнікаў аграпрамысловага комплексу Уладзімір Казак, да якога далучыліся дырэктар гаспадаркі Сяргей Францішчык і старшыня пярвічнай прафсаюзнай арганізацыі сельгаспрадпрыемства Вольга Сухецкая.
Яны пажадалі хлебаробам здароўя, сямейнага дабрабыту, паспяховай, безаварыйнай работы, каб хутчэй скончылі ўборку і да раённых дажынак падышлі з добрымі вынікамі.
Граматы і грашовыя падарункі атрымаў вадзіцель КСУП “Войневічы” Андрэй Сідэнка, на рахунку якога 2000 тон перавезенага ўраджаю, старшыя камбайнеры Мікалай Макарчук, Уладзімір Шалесны, а таксама Іван Ташлыкоў з КСУП “Хвінявічы”, які цяпер дапамагае сваім калегам. Яны намалацілі па 1000 тон збожжа.
Вольга ЮШКЕВІЧ
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#сельское хозяйство #АПК #нашелучшее #нашалепшае
