У сакавіку 2017 года Дзятлаўскім раённым аддзелам Следчага камітэта завершана крымінальная справа ў адносінах да жыхара Баранавіцкага раёна, асобы цыганскай нацыянальнасці, які абвінавачваецца ва ўчыненні крадзяжу.
Злачынства было ўчынена ў вёсцы Дукрава, якая мяжуе з Баранавіцкім раёнам. Зімой там жылі некалькі чалавек, а большасць хатаў пуставала. Зламыснік зламаў навясны замок на гаспадарчай пабудове і скраў электрарухавік.
Ненадзейнасць замыкаючых прыстасаванняў найчасцей з’яўляецца адной з галоўных прычын учынення крадзяжоў. Праваахоўныя органы заклікаюць грамадзян, якія пакідаюць сваю маёмасць у нежылых дамах без нагляду на час ад’езду, забяспечыць максімальную яе захаванасць. Для гэтага варта выбраць найбольш абароненыя памяшканні (кладоўка, пакой з асобным замком) і менавіта там захоўваць каштоўныя рэчы. У выпадку ад’езду на працяглы тэрмін варта задумацца аб умацаванні дзвярных замкоў, замене навясных замкоў, устаноўцы рашотак на вокны, абсталяванні дома ахоўнай сігналізацыяй.
А. АНТОНЧЫК,
следчы Дзятлаўскага раённага аддзела Следчага камітэта
