Пазакласнае мерапрыемства пад такой назвай да Дня абаронцаў Айчыны прайшло ў сярэдняй школе №1 горада Дзятлава. Яго падрыхтавала і правяла класны кіраўнік 5 “А” класа Таццяна Уладзіміраўна Аверкава.
Разам з настаўніцай навучэнцы паразважалі, з чым у іх асацыіруецца слова Радзіма, якім павінен быць мужчына-абаронца.
У якасці госця і цікавага субяседніка на пазакласнае мерапрыемства быў запрошаны намеснік ваеннага камісара Дзятлаўскага раёна, начальнік мабілізацыйнай групы падпалкоўнік Андрэй Міхайлавіч Волкаў. Ён расказаў школьнікам аб гісторыі ўзнікнення свята, традыцыях святкавання, патлумачыў, для чаго патрэбна армія. Навучэнцы задалі госцю свае пытанні.
Затым удзельнікі мерапрыемства паглядзелі частку мультыплікацыйнай стужкі “Дэсантнік Сцёпачкін” і самі паспрабавалі прыдумаць яе фінал.
Хлопчыкі і дзяўчынкі падзяліліся на каманды і прынялі ўдзел у спаборніцтвах на кемлівасць.
І. ЛЕАНІДАВА
