Восень – грыбны сезон, і аматары ціхага палявання штодзень наведваюць лясы.
Каб такія паходы не былі азмрочаны непрыемнымі ўражаннямі, Следчы камітэт заклікае азнаёміцца з “памяткай грыбніка”:
– калі збіраецеся ў лес, скажыце сваім блізкім, сябрам ці суседзям, куды канкрэтна ідзяце, калі плануеце вярнуцца;
– не адыходзьце далёка ад дарогі ці чыгуначных пуцей;
– не заходзьце далёка ў незнаёмы лес, калі ж рашыліся пашукаць некранутыя грыбныя мясціны, пакідайце арыенціры на шляху, па якіх зможаце вярнуцца;
– не пускайце ў лес без суправаджэння дзяцей, пажылых сваякоў і тых, хто мае захворванні, якія абцяжарваюць доўгае знаходжанне па-за жылля, асабліва калі чалавек заблукае. Нават калі такія людзі ідуць на ціхае паляванне з вопытным спадарожнікам, у іх павінен быць запас адпаведных медыцынскіх прэпаратаў, узгодненых з доктарам;
– надзявайце зручны абутак і яркае адзенне: калі заблукаеце, ратаўнікам будзе лягчэй шукаць.
Што варта захапіць з сабой, калі збіраецеся ў лес:
– зараджаны мабільны тэлефон;
– турыстычны навігатар або компас, з дапамогай якіх умееце арыентавацца;
– нож, ліхтарык, запальніцу;
– запас прадуктаў і вады.
Калі заблукалі ў лесе:
– не панікуйце;
– часцей падавайце гукавыя сігналы і прыслухоўвайцеся;
– не рухайцеся ноччу, бо страціце сілы і ўскладніце пошукі для ратаўнікоў.
Калі на працягу некалькіх гадзін не можаце выйсці з лесу самастойна, званіце на нумары 101 або 102 – вам дапамогуць.
Ірына ЯНОВІЧ,
следчы раённага аддзела Следчага камітэта
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
