Напярэдадні свята 8 Сакавіка, нягледзечы на хмуры вясенні дзянёк, у Гезгалаўскім садку было па-вясеннему сонечна, святочна і радасна.
Дашкольнікі рознаўзроставых груп № 1 і № 2 разам са сваімі выхавальнікамі М.І.Басай, К.С.Юргель і А.І.Шашко падрыхтавалі для сваіх мам цудоўныя ранішнікі “Нашым мамам дарагім сонца ўсміхаецца” і “Самым мілым, дарагім…”.
Няма нічога даражэй для матулі, чым яе дзеці. Няма нічога лепей, чым слухаць, як льюцца з іх вуснаў шчырыя словы ў адрас мам, бабуль. Якой радасцю і гонарам перапаўняюцца тады іх сэрцы, і хочацца падзяліцца гэтай радасцю з усім светам.
На ранішніках выхаванцы прадэманстравалі мамам свае таленты пры выкананні песень, вершаў, танцаў, гульняў. Дзеці рознаўзроставай групы № 2 збіралі “бусы”, малявалі партрэты сваіх мам на паветраных шарыках, хлопчыкі “варылі кашу” ў танцы маленькіх кухараў, дзяўчынкі разам з мамай-курыцай падарылі танец непасляхмяных куранят.
Кульмінацыяй ранішніка “Самым мілым, дарагім…” стала музычнае выступленне адной з мам – А. І.Кашко, у руках якой скрыпка ажывае. Алена Ігараўна, іграючы, змагла дакрануцца да струн душы кожнага ў зале: выкананне “Авэ, Марыі” нікога не пакінула раўнадушным – у матуль з вачэй цяклі слёзы – настолькі кранула сэрца гэта шматзначная мелодыя…
Напярэдадні жаночага свята хочацца павіншаваць усіх жанчын, пажадаць усмешак, шчасця і дабра.
Галіна ГАЎРОШ ,
педагог сацыяльны Гезгалаўскага яслі-сада
Сёлета ва ўстановах адукацыі Дзятлаўшчыны ўкаранёна новая форма аказання дапамогі і падтрымкі навучэнцам – “Пошта…
У Год беларускай жанчыны асабліва прыемна адзначаць поспехі тых, хто сваім талентам, адданасцю і шчырай…
На Дзятлаўшчыне прайшоў семінар-нарада па ўмовах і ахове працы, накіраваны на прафілактыку вытворчага траўматызму, для…
10 чэрвеня пляцоўка каля Дварэцкага дома культуры ператварылася ў сапраўдны кірмаш талентаў, спартыўнага запалу і…
10 чэрвеня Дзятлаўшчыну з рабочым візітам наведаў міністр жыллёва-камунальнай гаспадаркі Рэспублікі Беларусь Генадзь Трубіла. Ён…
Сёння на стадыёне “Колас” сабраліся самыя актыўныя, спартыўныя выхаванцы аздараўленчых летнікаў на раённую спартландыю “Звонкія…