Сучаснае жыццё напоўнена выклікамі, і часам эмацыйная нагрузка становіцца непасільнай. Важная тэма, з якой сутыкаюцца бацькі, – гэта пагроза суіцыдальных думак у падлеткаў.
Падлеткавы ўзрост – складаны і эмацыйна насычаны этап жыцця, калі маладых людзей чакаюць шматлікія выклікі. Адна з ключавых праблем –выяўленне прыкмет, якія могуць паказваць на наяўнасць крызіснай сітуацыі ў дзіцяці.
На што трэба звярнуць увагу? Адказ на гэта пытанне дала дырэктар сацыяльна-педагагічнага цэнтра горада Дзятлава Марына Сербін:
– Адным з першых трывожных сігналаў можа стаць рэзкая змена ў паўсядзённых паводзінах дзіцяці. Часта гэта выяўляецца ў адсутнасці апетыту, парушэнні сну, пагаршэнні паспяховасці ў школе, імкненні да сацыяльнай ізаляцыі. Кожная з гэтых прыкмет па асобнасці можа мець іншыя прычыны, але іх сукупнасць – нагода звярнуць увагу.
Эмацыйныя змены могуць сведчыць аб унутраных праблемах у падлетка. Дзіця можа праяўляць прыкметы хранічнай стомленасці, раздражняльнасці або быць пагружаным у песімістычныя разважанні.
Не менш трывожным сігналам з’яўляецца цікавасць да алкаголю ці наркотыкаў. Гэтыя рэчывы часта выкарыстоўваюцца дзецьмі і падлеткамі як спосаб адысці ад рэчаіснасці і справіцца з унутранымі праблемамі.
Захапленне тэмай смерці або самапашкоджанняў, якое праяўляецца ў цікавасці да змрочных фільмаў, кніг, музыкі, таксама можа ўказваць на наяўнасць унутраных цяжкасцей. Тут важна зразумець, што ляжыць у аснове – цікаўнасць або эмацыйны крызіс.
Дзеці і падлеткі, якія адчуваюць глыбокі ўнутраны боль, могуць паводзіць сябе агрэсіўна або дэманстраваць непрадказальныя паводзіны. Гэта свайго роду крык аб дапамозе, які не варта ігнараваць бацькам.
У нашай краіне кругласутачна можна атрымаць бясплатную псіхалагічную дапамогу па кароткім нумары 133.
Для навучэнцаў Дзятлава і Дзятлаўскага раёна, іх законных прадстаўнікоў псіхалагічная дапамога можа быць аказана педагогамі-псіхолагамі сацыяльна-педагагічнага цэнтра горада Дзятлава па тэлефоне 8 (01563) 6-02-95.
Паважаныя бацькі! Ваша любоў, увага і гатоўнасць дапамагчы – лепшая абарона для дзіцяці. Не бойцеся звяртацца да спецыялістаў – гэта не слабасць, а важны крок дзеля дабрабыту дзяцей.
Таццяна САНЮК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
6 кастрычніка 2026 года начальнікам цэнтра банкаўскіх паслуг № 422 у горадзе Дзятлаве рэгіянальнай дырэкцыі…
У Парэцкім сельвыканкаме прайшло пасяджэнне мясцовага савета грамадскага пункта аховы правапарадку, сумешчанае з выязным кірмашом…
Эти люди ежедневно создают праздничную атмосферу. Накануне профессионального праздника состоялась торжественная церемония награждения лучших представителей…
Как отметили в Дятловском РУП ЖКХ, с сегодняшнего дня в районе начинается отопительный период. В…
В Дятловском районе дан старт профилактической акции «Молодежь за безопасность». Первый этап традиционно прошел под…
По оперативным данным, сахарная свекла убрана с 48% площадей, накопано 2432 тыс. т корнеплода средней…