Прафесійнага рубяжу – 1 000 тон перавезенага ад камбайнаў зерня – дасягнуў вадзіцель МАЗ-555102 Мікалай Мікшут, які працуе ў КСУП “Дварэц-Агра”.
Як адзначыў Мікалай Станіслававіч, у гаспадарцы ён працуе 47 гадоў і такіх высокіх вынікаў дабіваецца ўжо некалькі гадоў запар.
Першага жніўня ён прымаў віншаванні ад старшыніраённага камітэта прафсаюза работнікаў АПК Уладзіміра Казака, старшыні прафсаюзнага камітэта КСУП “Дварэц-Агра” Святланы Сідорчык, галоўнага спецыяліста гаспадаркі Тамары Літвінавай.Яныпажадалі Мікалаю Мікшуту далейшага плёну ў працы, поспехаў, новых дасягненняў і ўручылі дыплом, каштоўны падарунак.
Вольга ЮШКЕВІЧ
