У сярэдніх школах і гімназіі горада Дзятлава прадстаўнікі Ваеннай акадэміі Рэспублікі Беларусь і ваеннага камісарыята Дзятлаўскага раёна правялі прафарыентацыйную размову з навучэнцамі 11 класаў па пытаннях паступлення ў адну з буйнейшых ВНУ краіны і атрымання адпаведнай спецыяльнасці.
Начальнік цыкла кафедры аўтаматызаваных сістэм кіравання войскамі вышэйшай ваеннай навучальнай установы падпалкоўнік Аляксей Белавус падрабязна расказаў адзінаццацікласнікам аб кожным факультэце, адзначыў багатую вучэбна-матэрыяльную базу і высокі ўзровень ведаў прафесарска-выкладчыцкага саставу. Разам з начальнікам групы прызыву на ваенную службу ваеннага камісарыята Дзятлаўскага раёна лейтэнантам Артурам Мелікянам выкладчык акадэміі звярнуў увагу будучых абітурыентаў на такія перавагі пры навучанні, як камфортныя ўмовы пражывання, бясплатнае збалансаванае харчаванне, арганізацыя і правядзенне цікавага і карыснага вольнага часу, годнае грашовае забеспячэнне і іншыя. Навучэнцам паказалі прафарыентацыйны фільм пра будні курсантаў ад пад’ёму да адбою. Таксама прадстаўнік ваеннага камісарыята нагадаў юнакам, што пры паступленні ў вышэйшыя ваенныя навучальныя ўстановы і наступным іх заканчэнні яны будуць вызвалены ад праходжання абавязковай тэрміновай службы. Госці пакінулі свае кантактныя дадзеныя і абяцалі пракансультаваць усіх абітурыентаў, якія жадаюць у будучым стаць афіцэрамі.
Магчыма, хтосьці з юнакоў і дзяўчат звяжа сваё жыццё з Узброенымі Сіламі Рэспублікі Беларусь, стане курсантам, а пасля і афіцэрам, будзе стаяць на варце незалежнасці краіны і спакою мірных грамадзян. Бо, як вядома, сярод шматлікіх прафесій ёсць адна вельмі важная і патрэбная – абараняць сваю Радзіму!
Вадзім ФІЛІПОЎСКІ
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Сёлета ва ўстановах адукацыі Дзятлаўшчыны ўкаранёна новая форма аказання дапамогі і падтрымкі навучэнцам – “Пошта…
У Год беларускай жанчыны асабліва прыемна адзначаць поспехі тых, хто сваім талентам, адданасцю і шчырай…
На Дзятлаўшчыне прайшоў семінар-нарада па ўмовах і ахове працы, накіраваны на прафілактыку вытворчага траўматызму, для…
10 чэрвеня пляцоўка каля Дварэцкага дома культуры ператварылася ў сапраўдны кірмаш талентаў, спартыўнага запалу і…
10 чэрвеня Дзятлаўшчыну з рабочым візітам наведаў міністр жыллёва-камунальнай гаспадаркі Рэспублікі Беларусь Генадзь Трубіла. Ён…
Сёння на стадыёне “Колас” сабраліся самыя актыўныя, спартыўныя выхаванцы аздараўленчых летнікаў на раённую спартландыю “Звонкія…