Па матэрыялах праверкі Слонімскага міжраённага аддзела фінансавых расследаванняў пракуратурай Дзятлаўскага раёна ўзбуджана крымінальная справа ў дачыненні да галоўнага заатэхніка аднаго з сельгаспрадпрыемстваў Дзятлаўскага раёна і навагрудскага індывідуальнага прадпрымальніка па факце злоўжывання службовымі паўнамоцтвамі і садзейніцтва ў гэтым, звязаным з прычыненнем шкоды ў асабліва буйным памеры.
Фінансавай міліцыяй былі правераны здзелкі індывідуальнага прадпрымальніка і гаспадаркі. Сума здзелкі ў дагаворы не была ўказана, што супярэчыла палажэнню аб закупках.
Параўнаўшы кошты набыцця і наступнай рэалізацыі тавару ў гаспадарку, выявілася, што памер гандлёвай «накруткі», якая прымяняецца прадпрымальнiкам, быў значна вышэйшы за кошт набыцця. Пры гэтым пастаўшчыкі мелі магчымасць пастаўляць гэты тавар і па такіх жа коштах непасрэдна ў гаспадарку без «пасрэдніцтва» індывідуальнага прадпрымальніка.
У выніку набыцця ў дадзенага індывідуальнага прадпрымальніка тавару па завышаных цэнах гаспадарцы быў нанесены ўрон у суме больш за 362 мільёны недамінаваных рублёў, гэта значыць у асабліва буйным памеры, а дзеянні названых асобаў кваліфікаваны па ч. 3 арт. 424 КК Рэспублікі Беларусь.
Сяргей ТУПТАЛА,
начальнік Слонімскага МА УДФР КДК Рэспублікі Беларусь па Гродзенскай вобласці
81-ю гадавіну Перамогі савецкага народа ў Вялікай Айчыннай вайне дзятлаўчане сустрэлі Маршам памяці і ўрачыстым…
Як дружна пырснулі сады,Закалыхаліся пад ветрам.Ляціць над светам пах такі,Што аж звініць вакол паветра.І з…
7 мая Міжнародны алімпійскі камітэт зняў усе абмежаванні з беларускіх спартсменаў, такім чынам адкрыўшы ім…
Напярэдадні 9 Мая ў рамках мерапрыемстваў у падтрымку дзіцяча-юнацкага футбола ў Рэспубліцы Беларусь Дзятлаўшчыну наведаў…
Дыялогавая пляцоўка пад такой назвай прайшла ў гімназіі № 1 горада Дзятлава. Пагаварылі пра тое,…