Асаблівую патрэбу ў духоўнай падтрымцы маюць людзі, якіх жыццё выпрабоўвае хваробамі. А таму візіт святара – падзея заўсёды доўгачаканая для наведвальнікаў аддзялення дзённага знаходжання для інвалідаў “Праменьчык” Цэнтра сацыяльнага абслугоўвання насельніцтва Дзятлаўскага раёна. Нядаўна духоўную размову на тэму “Жыццёвы крыж” з асаблівымі людзьмі і спецыялістамі Цэнтра правёў благачынны цэркваў Дзятлаўскай акругі, настаяцель храма Праабражэння Гасподняга ў Дзятлаве іерэй Іаан Кісель.
Айцец Іаан прыйшоў не з пустымі рукамі – прынёс торты і пачастункі, таму размова праходзіла ў цёплай сяброўскай атмасферы за кубачкам чаю.
Святар расказаў, што выпрабаванні і хваробы, спакусы і іспыты, якіх нямала на жыццёвым шляху чалавека, – гэта не што іншае, як наш крыж, і несці яго кожны хрысціянін павінен з цярпеннем, пакорай і ўдзячнасцю Богу. Толькі ў такім выпадку жыццёвыя цяжкасці служаць для выратавання чалавека. Для прыкладу айцец Іаан прывёў словы старца Паісія Святагорца, што крыж гэты пасылаецца нам не для мучэння, а каб па ім, як па лесвіцы, мы ўзышлі на неба.
У час размовы прысутныя задавалі святару пытанні, дзяліліся сваімі назіраннямі і выпадкамі з жыцця. Сустрэча ўсім спадабалася, і варта спадзявацца, што пачутае дапаможа па-іншаму зірнуць на многія падзеі жыцця.
Ірына КАЎКЕЛЬ
Стоит почитать:
Дзіцячая святочная праграма “Мы праўнукі твае, Перамога!” (+відэа)
Гучаць “Мелодыі кахання” (+відэа)
Песня заваражыла. У Дзятлаве прайшоў конкурс «Песенны вернісаж» (+відэа)
10 чэрвеня пляцоўка каля Дварэцкага дома культуры ператварылася ў сапраўдны кірмаш талентаў, спартыўнага запалу і…
10 чэрвеня Дзятлаўшчыну з рабочым візітам наведаў міністр жыллёва-камунальнай гаспадаркі Рэспублікі Беларусь Генадзь Трубіла. Ён…
Сёння на стадыёне “Колас” сабраліся самыя актыўныя, спартыўныя выхаванцы аздараўленчых летнікаў на раённую спартландыю “Звонкія…
Мерапрыемства скіравана на забеспячэнне бяспекі і здароўя работнікаў на працоўных месцах, папярэджанне выпадкаў вытворчага траўматызму…
17 чэрвеня з 10 да 12 гадзін намеснік начальніка ўпраўлення ДАІ УУС Гродзенскага аблвыканкама падпалкоўнік…
На Дзятлаўшчыне прадаўжаецца нарыхтоўка травяных кармоў першага ўкосу і закладка сянажных траншэяў. У СГФ “АграМілк”…