Зецельскі фэст гаспадарыць, шуміць

Дзятлава, плошча, народу тут процьма,
Зецельскі фэст гаспадарыць, шуміць.
Людзі тутэйшыя ходзяць з усмешкай –
Сёння ўсім разам ім хочацца быць.

Дзівяцца госці – вясёлае свята,
Музыка, спевы гучаць зноў і зноў!
Зецельскі фэст славіць дружныя сем’і,
Вернасць, падтрымку, святую любоў.

Вось і пляцоўкі майстроў – падзівіся
Ды падыдзі, у руках патрымай!
Колькі тут вырабаў розных прыгожых –
Ты не марудзь, кашалёк даставай.

На стадыёне спартыўныя сем’і
Дружна сабраліся спрыт паказаць.
Так прыпусцілі па роўнай дарожцы,
Што і машынаю іх не дагнаць!

Ёсць і турысты – раскажуць, пакажуць,
Чым наш праславіўся Зецельскі край.
Смачна накормяць на гастрапляцоўцы –
Толькі ўсюды пабыць паспявай!

Ну а на сцэне галоўнай – тэатр:
Рэтра-сям’я выступае – глядзі!
Талентам славяцца Дзятлава людзі –
Ты яшчэ дома?!. Хутчэй жа ідзі!

Не пашкадуеш, што час свой патраціў
І з землякамі на плошчы пабыў.
Зецельскі фэст дасць настрою і сілы,
Каб ты шчаслівы і радасны быў!

Алена АБРАМЧЫК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

#нашелучшее #нашалепшае #Дятловщина