У апошні час у рэспубліцы пачасціліся выпадкі траўмавання людзей электрычным токам пры лоўлі рыбы на берагах рэк і вадаёмаў у ахоўных зонах паветраных ліній электраперадачы.
Лоўля рыбы з берага часта ажыццяўляецца тэлескапічнымі вудамі, даўжыня якіх дасягае шасці і больш метраў, што адпавядае адлегласці ад зямлі да правадоў паветраных ліній электраперадачы. Пры дотыку вудзільнам або лескай да правадоў паветранай лініі, а таксама пры набліжэнні іх да правадоў на недапушчальную адлегласць пад дзеянне электрычнага току трапляе не толькі чалавек, які трымае вуду, але і людзі побач з ім.
Расследаванне абставінаў такіх няшчасных выпадкаў паказвае, што іх прычынай стала грубае парушэнне пацярпелымі правілаў аховы электрычных сетак, асабістая неасцярожнасць, грэбаванне правіламі электрабяспекі або іх няведанне.
Правіламі аховы электрычных сетак напружаннем звыш 1000 В уздоўж паветраных ліній электраперадачы ўстаноўлены ахоўныя зоны ў выглядзе зямельнага ўчастка і паветранай прасторы, абмежаваных вертыкальнымі плоскасцямі, адлеглымі па абодва бакі лініі ад крайніх правадоў пры неадхіленым іх становішчы.
Адлегласць ад іх да правадоў лініі залежыць ад напружання: для ліній напружаннем да 20 кВ яно складае 10 м; для ліній 35 кВ – 15 м; 110 кВ – 20 м; 220 кв – 25 м. У ахоўных зонах ліній, якія праходзяць па паверхні рэк і вадаёмаў ці па іх берагах, забараняецца ажыццяўляць лоўлю рыбы з прымяненнем вудаў, такія месцы абсталяваны плакатамі аб небяспецы.
Паважаныя аматары рыбнай лоўлі! Найперш пераканайцеся, што паблізу няма паветраных ліній электраперадачы. Каб ваша рыбалка не мела сумнага фіналу, помніце аб небяспецы набліжэння да правадоў паветраных ліній; папярэджвайце аб ёй іншых асоб, якія знаходзяцца непадалёку і парушаюць правілы, падвяргаючы небяспецы сваё жыццё і іншых людзей.
Калі заўважылі няспраўнасці або парушэнні правілаў іншымі асобамі, паведаміце аб гэтым дыспетчару электрасетак па тэлефонах: 6-79-36, 6-79-70 або 144.
Віктар БЕЛЫ,
намеснік галоўнага інжынера Дзятлаўскага РЭС
Вячаслаў ПЯТРАШ,
інспектар энергагазінспекцыі
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Два «автопожара» зарегистрированы в Гродненской области 3 июля. По одной из версий, в одном случае,…
Нядаўна камунальная служба раёна набыла новы сучасны смеццявоз, які заменіць “пажылую” тэхніку. Падрабязней пра пакупку…
Дзятлаўскім раённым аддзелам Следчага камітэта адшукваецца Дзмітрый Анатольевіч Мікулка, 12 верасня 1983 года нараджэння, які…
Лета – сезон адпускоў, але, на жаль, і актывізацыі пляжных злодзеяў. Пра што варта памятаць…
Белорусов ждет дождливая и прохладная неделя. Об этом рассказали БЕЛТА в Республиканском центре по гидрометеорологии,…
9 ліпеня з 14 да 16 гадзін у Дзятлаўскім раённым выканаўчым камітэце (вул. Леніна, 18,…