У Дзятлаўскім раённым ваенным камісарыяце прайшлі заняткі па мабілізацыйнай гатоўнасці войскаў з органамі ўпраўлення тэрытарыяльнай абароны Дзятлаўскага раёна. На іх былі запрошаны камандзіры і намеснікі камандзіраў народнага апалчэння.
Начальнік групы тэрытарыяльнай абароны Андрэй Лаўнік расказаў пра парадак уліку і выдачы зброі, аказанне даўрачэбнай дапамогі. Паказаў індывідуальныя перавязачныя пакеты, як іх неабходна раскрываць і далей карыстацца, як правільна накладваць жгут.
Супрацоўнік аддзела ўнутраных спраў Дзятлаўскага райвыканкама Руслан Лаўрэнцьеў растлумачыў правы і абавязкі, методыку падрыхтоўкі дабравольцаў, расказаў пра матэрыяльную частку зброі і яе прымяненне.
Святлана ГРЫШЫНА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
