5 чэрвеня – Сусветны дзень навакольнага асяроддзя, які адзначаецца больш чым у 100 краінах свету.
Ён дапамагае прыцягнуць увагу грамадства да праблем навакольнага асяроддзя і падкрэслівае вострую неабходнасць у змене стаўлення чалавека да прыродных рэсурсаў. Тэма Сусветнага дня навакольнага асяроддзя ў 2025 годзе – “Перамагчы пластыкавае забруджванне”.
Штогод у свеце вырабляецца больш за 400 млн тон пластыку, палова якога прызначана для аднаразовага выкарыстання, з яго менш за 10 працэнтаў перапрацоўваецца. У азёры, рэкі і мора трапляе 11 мільёнаў тон пластыку, што эквівалентна вазе 2200 Эйфелевых вежаў.
Мікрапластык (дыяметрам да 5 мм) трапляе ў ежу, ваду і паветра. Даследаванні паказваюць, што кожны чалавек на планеце спажывае больш за 50 тысяч пластыкавых часціц у год і значна больш, калі ўлічваць удыханне.
Каб зберагчы нашу прыроду ад забруджвання, неабходна раздзельна сартаваць смецце. Да 60 працэнтаў адходаў можна выкарыстоўваць паўторна. Папера, пластык, шкло і метал з’яўляюцца сыравінай для нашай прамысловасці.
Сістэма раздзельнага збору смецця ў Дзятлаўскім раёне ўключае ў сябе спецыяльныя кантэйнеры і нарыхтоўчыя прыёмныя пункты. Кантэйнеры ўсталяваны на пляцоўках ва ўсіх мікрараёнах шматпавярховай забудовы горада Дзятлава, гарпасёлкаў Наваельня, Казлоўшчына, аграгарадка Гезгалы, а таксама ў арганізацыях і ўстановах раёна. На Дзятлаўшчыне функцыянуе два прадпрыемствы па перапрацоўцы пластыку і палімераў – ТАА “Тэрмапласттэхналогія” і ТАА “Завод палімерных тэхналогій”.
Акрамя гэтага, у раёне робіцца шмат і па іншых пытаннях аховы навакольнага асяроддзя. Напрыклад, у 2024 годзе санаторый “Радон” заняў другое месца ў рэспубліканскім аглядзе-конкурсе па добраўпарадкаванні водных аб’ектаў. У мэтах захавання біялагічнай разнастайнасці на тэрыторыі Дзятлаўскага раёна пад ахову перададзена восем месцаў пражывання і 47 месцаў вырастання відаў, уключаных у Чырвоную кнігу Рэспублікі Беларусь, а таксама 48 тыповых прыродных ландшафтаў, біятопаў і мікрапапуляцыя зубра еўрапейскага колькасцю 59 асобін.
У маі 2025 года была адкрыта экалагічная сцежка “Зялёнымі сцежкамі Ліпічанскай пушчы”.
Дзмітрый БАЛЬКОЎСКІ,
начальнік раённай інспекцыі прыродных рэсурсаў і аховы навакольнага асяроддзя
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga