У аграсядзібе «Фальварак «У Рыся» прайшоў ІІ міжнародны дабрачынны этнафестываль для людзей з абмежаванымі магчымасцямі «Музыка нашых сэрцаў». Мерапрыемства падрыхтавала сацыяльна-дабрачынная ўстанова «Дарогаю дабрыні». Гаспадарамі пляцоўкі міжнароднага фестывалю «Музыка нашых сэрцаў» традыцыйна з’яўляюцца Рычард і Яніна Казюкі — уладальнікі фальварка «У Рыся», які знаходзіцца ў вёсцы Карэвічы Свіслацкага раёна Гродзенскай вобласці.
Мерапрыемства садзейнічае аб’яднанню членаў сем’яў інвалідаў, дапамагае цікава і карысна бавіць час разам, пазнаёміцца з народнымі традыцыямі, культурай іншых краінаў, адраджаць народныя рамёствы.
На вялікі музычны этнафэст для людзей з абмежаванымі магчымасцямі сёлета таксама завіталі артысты з Беларусі і пяці замежных краін. Сярод іх былі Ірына Дарафеева, Паліна Рэспубліка, групы «Pawa», «Стары Ольса» і вялікая колькасць народных ансамбляў. Для гасцей ладзілі азнаямленчыя экскурсіі па сядзібе з наведваннем этнаграфічнага падворка і горада майстроў. Змаглі яны пабачыць сярэднявечныя танцы, паўдзельнічаць у майстар-класах рамеснікаў, пакатацца на конях. Таксама ладзілася выстава рарытэтных аўтамабіляў, быў арганізаваны сплаў на байдарках. У час свята працавала палявая кухня і гандлёвыя павільёны.
Дзятлаўшчыну на фестывалі прадстаўляла дэлегацыя з 14 чалавек. На сцэне выступілі А. Бяляк з песняй «Малітва маці» і група «Выпадковае знаёмства» з танцавальнай пастаноўкай на музыку-папуры беларускіх народных песень (А. Калодка, Т. Уласевіч, Т. Рэгіневіч, К. Васільева, У. Лукашэня). За ўдзел у ІІ міжнародным дабрачынным этнафестывалі «Музыка нашых сэрцаў» дыпломамі адзначаны дзённае аддзяленне для інвалідаў «Праменьчык», А. Бяляк, група «Выпадковае знаёмства».
Скончылася свята фальклору і забаваў вялікім фаер-шоу і феерверкам.
В. САЛАМЕВІЧ,
загадчыца аддзялення «Праменьчык» Цэнтра сацыяльнага абслугоўвання насельніцтва Дзятлаўскага раёна
Ящур КРС – это вирусное, контагиозное заболевание крупнорогатого скота, заразное и для человека. Ящур или…
Православные верующие сегодня отмечают один из великих двунадесятых праздников - Успение Пресвятой Владычицы нашей Богородицы…
Вопрос: как защитить себя от интернет-мошенничества? Отвечает старший участковый инспектор милиции Александр Скворчинский: – Мошенники…
До начала учебного года осталось совсем немного времени, а значит, сейчас самое время подготовиться к…
27 августа в агрогородке Солы Сморгонского района произошел несчастный случай – при розжиге печи получил…
У рамках дзейнасці грамадска-палітычнага цэнтра раённага аддзялення Гродзенскай вобласці Беларускай партыі “Белая Русь” пад кіраўніцтвам…