З лампадай каля Вечнага агню

Ужо традыцыйнымі на Дзятлаўшчыне напярэдадні Дня Перамогі сталі аўтобусныя маршруты памяці “З лампадай каля Вечнага агню”.

Сёлетні каля мемарыяла – брацкай магілы воінаў Чырвонай Арміі і партызанаў, загінулых пры вызваленні Дзятлаўшчыны, і магілаў Герояў Савецкага Саюза Яна Фогеля і Паўла Пятрова – адкрыла каардынатар дзейнасці моладзевага парламента пры раённым Савеце дэпутатаў, старшыня раённага савета піянераў Ірына Мішчанка.

– Прымеркаваны да Дня Вялікай Перамогі і Года міру і стварэння аўтобусны маршрут памяці “З лампадай каля Вечнага агню”, арганізаваны раённым саветам ГА “БРПА” і раённым камітэтам ГА “БРСМ”, – адзначыла Ірына Анатольеўна. – Яго ўдзельнікамі з’яўляецеся вы, члены гэтых арганізацый і дэпутаты моладзевага парламента пры раённым Савеце дэпутатаў, – прадстаўнікі ўстановаў адукацыі нашага раёна.

У час мерапрыемства вы не толькі азнаёміцеся з помнікамі загінулым у час Вялікай Айчыннай вайны, але і пакінеце каля кожнага з іх лампадкі як сімвал памяці, пашаны і павагі да абаронцаў Айчыны і мірнага насельніцтва, якое было знішчана ворагамі ў гады ваеннага ліхалецця.

Памяць загінулых каля мемарыяла ў Дзятлаве моладзь ушанавала хвілінай маўчання, таксама запалілі лампадкі і ўсклалі кветкі да помніка.

Наступнымі прыпынкамі маршруту сталі мемарыял “Дзеці ліхалецця” на дзятлаўскіх могілках, абеліск Славы ў райцэнтры, цырымоніі ўшанавання прайшлі ў аграгарадках Раклевічы і Дварэц, гарадскім пасёлку Наваельня каля помнікаў землякам.

Наступнымі прыпынкамі маршруту сталі мемарыял “Дзеці ліхалецця” на дзятлаўскіх могілках, абеліск Славы ў райцэнтры, цырымоніі ўшанавання прайшлі ў аграгарадках Раклевічы і Дварэц, гарадскім пасёлку Наваельня каля помнікаў землякам.

Паўсюль як даніна гістарычнай памяці Айчыны і частачкі Вечнага агню заставаліся лампадкі ад маладога пакалення дзятлаўчан.

Ірына СТЫРНІК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga