У рамках Тыдня дадатковай адукацыі каардынатар раённага валанцёрскага клуба “Мы – разам!” Ірына Мішчанка пабывала ў Дзятлаўскім раённым цэнтры карэкцыйна-развіваючага навучання і рэабілітацыі.
Да выхаванцаў установы яна прыйшла ў вобразе вядомага літаратурнага героя і прапанавала ім паўдзельнічаць у займальнай гульні “Нязнайка ў гасцях у дзяцей”. Хлопчыкі і дзяўчынкі падзяліліся на каманды “Ух” і “Ах” і з захапленнем далучыліся да вясёлых конкурсаў. У час іх усе ўдзельнікі праявілі спрыт і камандны дух, што зрабіла свята па-сапраўднаму запамінальным.
Напрыканцы Ірына Мішчанка падзякавала дзецям за ўдзел і адзначыла, што галоўнае ў спаборніцтвах – гэта сяброўства. Яна пажадала выхаванцам цэнтра моцнага здароўя, добрага настрою і спаўнення жаданняў. На памяць аб сустрэчы хлопчыкі і дзяўчынкі атрымалі медалі і зрабілі сумеснае фота.
Ірына СТЫРНІК
Фота Ірыны МІШЧАНКА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
