Як правільна выкарыстоўваць хімікаты на прысядзібных участках

Нельга выкарыстоўваць адзін і той жа прэпарат пастаянна:

— развіваецца ўстойлівасць (рэзістэнтнасць): шкоднікі і патагены адаптуюцца да дзеючага рэчыва, і прэпарат перастае працаваць;

— патрабуецца павышэнне дазіроўкі: гэта павялічвае таксічную нагрузку на глебу, расліны і навакольнае асяроддзе;

— зніжаецца ўраджайнасць: неэфектыўная абарона прыводзіць да пашкоджання раслін і страты часткі ўраджаю;

— назапашваюцца таксіны: пастаяннае прымяненне аднаго хімікату можа прывесці да забруджвання глебы і прадукцыі.

Правільна чаргуйце прэпараты:

— не арыентуйцеся толькі на гандлёвую  назву – нават прэпараты з рознымі назвамі могуць утрымліваць адно і тое ж актыўнае рэчыва;

— выкарыстоўвайце прэпараты з розных хімічных груп, гэта зніжае рызыку развіцця крыжаванай устойлівасці ў шкоднікаў;

— хімічныя прэпараты чаргуйце з біялагічнымі, яны мякчэй уздзейнічаюць на навакольнае асяроддзе і не выклікаюць прывыкання ў шкоднікаў;

— не абмяжоўвайцеся толькі культурнымі раслінамі – апрацоўвайце пустазелле, траву каля плота, дарожкі.

Важна ведаць: не перавышайце дазіроўку і строга выконвайце інструкцыі, не апрацоўвайце ў спякоту – гэта ўзмацняе таксічнасць, рэгулярнасць важней за колькасць – сістэмны падыход больш эфектыўны за выпадковыя апрацоўкі.

Рэкамендацыі па ўжыванні:

— чаргуйце прэпараты з рознымі механізмамі дзеяння, каб пазбегнуць прывыкання;

— дадавайце прыліпальнік (напрыклад, мыла або спецыяльныя сродкі), каб павысіць эфектыўнасць;

— выконвайце тэрміны чакання перад зборам ураджаю (звычайна 20-30 дзён для пестыцыдаў, 3-5 дзён для біяпрэпаратаў);

— знішчайце пустазелле і бацвінне пасля ўборкі – гэта зніжае зімуючую папуляцыю жука.

У Гродзенскай вобласці фітафтароз бульбы можа з’явіцца ўжо ў канцы мая, таму важна пачаць прафілактычную абарону з фазы ўсходаў і чаргаваць фунгіцыды розных класаў кожныя 7-14 дзён у залежнасці ад надвор’я.

Важныя парады: не чакайце сімптомаў фітафторы – пачынайце прафілактыку загадзя; чаргуйце фунгіцыды з рознымі дзеючымі рэчывамі; не змешвайце біяпрэпараты з сродкамі, якія ўтрымліваюць медзь, – яны несумяшчальныя; знішчайце бацвінне за 10-14 дзён да ўборкі – гэта зніжае заражэнне клубняў.

Вера КАЛАГРЫЎ,
вядучы аграном-дзяржаўны інспектар Дзятлаўскай раённай дзяржаўнай інспекцыі па насенняводстве, каранціне і ахове раслін

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga