Як праверыць, ці інтэрнэт-магазін сапраўдны?

Ажыццяўленне пакупак анлайн для беларусаў стала звычайным. У інтэрнэт-прасторы ёсць вялікі выбар магазінаў.

Як праверыць іх на сапраўднасць і не пацярпець ад махляроў, расказала следчы раённага аддзела Следчага камітэта Анастасія Сідаровіч:

– Людзям зручна заказваць пакупкі з дому анлайн. У інтэрнэце прасцей выбраць тавар, які патрэбен. Аднак, акрамя папулярных інтэрнэт-магазінаў, такіх як Wildberries і Ozon, існуюць інтэрнэт-магазіны ў сацыяльных сетках. Найбольш папулярнымі месенджарамі для пакупак з’яўляюцца Instagram і Telegram, дзе можна набыць любыя тавары, пачынаючы ад адзення і заканчваючы тэхнікай.

Інтэрнэт-магазіны з заніжанымі ў параўнанні з рыначным коштам цэнамі – адна з прыкмет махляроў у сетцы. Каб упэўніцца ў іх сапраўднасці, неабходна перайсці на сайт “Правер.Бел” і ўпісаць “user name” такой гандлёвай анлайн-пляцоўкі ў пошукавы радок. Калі звесткамі пра такі магазін “Правер.Бел” не валодае, то можна паведамляць для правядзення далейшай праверкі на махлярскія дзеянні.

Следчы камітэт нагадвае дзятлаўчанам пра неабходнасць быць уважлівымі і абачлівымі ў інтэрнэце: не купляць тавары ў сумніўных інтэрнэт-магазінах, не перадаваць грошы зламыснікам, а пра ўсе спробы падману тэрмінова інфармаваць міліцыю на нумар 102.

Ірына СТЫРНІК    

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga