З 1 студзеня 2024 года зямельны, транспартны падаткі, падатак на нерухомасць падлягаюць выплаце адзіным маёмасным плацяжом.
Дадзенае новаўвядзенне накіравана на спрашчэнне парадку іх выплаты, а таксама стварэнне камфортных умоваў для плацельшчыкаў – фізічных асоб.
Адзіны маёмасны плацеж не з’яўляецца новым падаткам, а ўяўляе сабой зручны спосаб выплаты вышэйзгаданых трох падаткаў. Усе плацяжы робяцца на адзін рэспубліканскі рахунак па месцы рэгістрацыі (прапіскі) фізічнай асобы.
Варта адзначыць, што ў 2024 годзе падлягаюць выплаце падаткі, вылічаныя ў дачыненні да аб’ектаў падаткаабкладання мінулага года з улікам узнікнення (страты) на працягу2023-га правоў на названыя аб’екты.
Для выплаты маёмасных падаткаў падатковы орган будзе накіроўваць грамадзянам спецыяльныя паведамленні, у якіх цяпер указваецца адзін рахунак для выплаты такіх плацяжоў. У 2024 годзе яны павінны быць уручаны не пазней за 1 кастрычніка.
Выплату маёмасных падаткаў можна будзе рабіць аднаразова або па частках у залежнасці ад таго, наколькі такія варыянты зручныя для плацельшчыкаў. Адзінае, што трэба выконваць, – гэта тэрмін выплаты такіх падаткаў у бюджэт, а менавіта не пазней за 15 лістапада 2024 года.
Для прагляду сумы запазычанасці па маёмасных падатках і яе пагашэння праз сістэму “Разлік” (ЕРИП) неабходна зрабіць наступнае:
Крок 1. Выбіраем “Плацяжы і пераводы” / “Сістэма “Разлік” (ЕРИП)”.
Крок 2. Выбіраем “Падаткі”.
Крок 3. Выбіраем вобласць або горад.
Крок 4. Знаходзім раённую падатковую інспекцыю (упраўленне па працы з плацельшчыкамі (УРП ……. раёне) па месцы рэгістрацыі (прапіскі) фізічнай асобы.
Крок 5. Выбіраем “Адзіны маёмасны плацеж”.
Крок 6. Уводзім свой уліковы нумар плацельшчыка (УНП) з выкарыстаннем лацінскай (англійскай) раскладкі і вялікіх літар гэтага алфавіта, без прабелаў. Інфармацыю пра ўліковы нумар плацельшчыка можна атрымаць на сайце nalog.gov.by, перайшоўшы ва ўкладку “Фізічным асобам” – “Пастаноўка на падатковы ўлік”.
Таццяна КАСЦЮКЕВІЧ,
намеснік начальніка ўпраўлення па рабоце з плацельшчыкамі па Дзятлаўскім раёне
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
У Год беларускай жанчыны на старонках газеты “Перамога” расказваем пра нашых зямлячак, якія змагаліся на…
У раённым Цэнтры культуры і народнай творчасці прайшоў святочны канцэрт-шанаванне, прысвечаны надыходзячаму Дню медыцынскіх работнікаў.…
За невыкананне работ па падтрыманні належнага санітарнага стану на тэрыторыях зямель агульнага карыстання населеных пунктаў,…
Гэта высвятлялі выхаванцы летніка “Крута” гімназіі № 1 горада Дзятлава, наведаўшыся ў рэдакцыю раённай газеты…
Чым жыве летнік Выхаванцы летніка “Усмешка” сярэдняй школы № 1 горада Дзятлава імя А. М.…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga