Камітэтам дзяржаўнага кантролю Гродзенскай вобласці праведзены кантрольна-аналітычныя мерапрыемствы па вывучэнні пытання ідэнтыфікацыі жывёлаў сельскагаспадарчых арганізацый. Было ўстаноўлена, што не ўсе гаспадаркі вобласці своечасова ўнеслі неабходныя звесткі аб наяўных у іх жывёлагадоўчых аб’ектах і сельскагаспадарчых жывёлах у аўтаматызаваную дзяржаўную інфармацыйную сістэму ў галіне ідэнтыфікацыі, рэгістрацыі, нагляду сельскагаспадарчых жывёлаў (статкаў) – “ИС AITS” (далей – інфармацыйная сістэма). У прыватнасці, у Дзятлаўскім раёне – жывёлагадоўчы аб’ект “Белалозы” (КСУП “Белагурна”).
Сельскагаспадарчымі арганізацыямі дапускаюцца парушэнні тэрмінаў рэгістрацыі інфармацыі ў інфармацыйнай сістэме, унясенне ў сістэму недакладных звестак.
Па прычыне адсутнасці мікрачыпаў у вобласці не праведзена таксама ідэнтыфікацыя коней і авечак.
Аляксандр САДАЎНІЧЫ,
першы намеснік старшыні Камітэта дзяржаўнага кантролю Гродзенскай вобласці
