Вучні другіх класаў сталі акцябратамі

У рамках рэалізацыі рэспубліканскай праграмы “Я. Мая сям’я. Мая Радзіма” ў музеі сярэдняй школы № 1 горада Дзятлава імя А. М. Чурылы адбыўся ўрачысты прыём навучэнцаў другіх класаў у шэрагі ГА “БРПА”.

– Урачыстасць стала важнай падзеяй для хлопчыкаў і дзяўчынак, якія з гонарам надзелі акцябрацкія значкі і прынялі на сябе новыя абавязкі, – расказала старшыня раённага савета ГА “БРПА” Ірына Мішчанка. – Перад уступленнем у дзіцячую арганізацыю другакласнікі прайшлі шэраг займальных выпрабаванняў. Іспыты паспрыялі праверцы і замацаванню іх ведаў аб Айчыне, роднай гісторыі і культуры. Кожнае заданне было напоўнена духам сяброўства і ўзаемадапамогі, што дазволіла дзецям згуртавацца і прадэманстраваць свае лепшыя якасці.

Ва ўрачыстай абстаноўцы, акружаныя настаўнікамі і бацькамі, будучыя акцябраты далі ўрачыстае абяцанне, у якім пацвердзілі сваю прыхільнасць ідэалам сяброўства, узаемадапамогі і любові да Радзімы. Гэты момант стаў сімвалам іх новага этапу жыцця, напоўненага адказнасцю і імкненнем да ведаў.

Пасля завяршэння цырымоніі кожны з новаяўленых удзельнікаў атрымаў ад Дзятлаўскага раённага савета ГА “БРПА” буклеты-памяткі з важнымі парадамі і рэкамендацыямі для юных грамадзян. Яны дапамогуць хлопчыкам і дзяўчынкам лепш зразумець свае новыя абавязкі і стаць актыўнымі ўдзельнікамі жыцця школы і грамадства.

Віншую дзяцей і іх бацькоў з урачыстай падзеяй, упэўнена, што гэты дзень запомніцца надоўга, і акцябраты з гонарам будуць насіць сваё званне, імкнучыся да новых дасягненняў і здзяйсненняў.

Ірына СТЫРНІК

Фотаздымкі прадастаўлены арганізатарамі

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

#БРПО #октябрята