Дарагія суайчыннікі!
Сардэчна віншую вас з Днём Дзяржаўнага герба і Дзяржаўнага сцяга Рэспублікі Беларусь.
Гэтыя сімвалы аб’ядноўваюць грамадзян нашай суверэннай краіны, натхняюць іх на вялікія здзяйсненні, беззапаветнае служэнне Айчыне.
Кожны з нас павінен разумець: вернасць Радзіме пачынаецца з павагі да нацыянальнай сімволікі і гераічнай гісторыі.
Беларусь адбылася як незалежная дзяржава, якая адстойвае ідэі міру і сацыяльнай справядлівасці. Яна паспяхова развіваецца, расце яе міжнародны аўтарытэт. У гэтым велізарная заслуга нашага працавітага і мужнага народа, які ўпэўнена стварае сваю будучыню.
Ад усёй душы жадаю вам святочнага настрою, дабрабыту, поспехаў у працы дзеля працвітання роднай зямлі.
Прэзідэнт Рэспублікі Беларусь Аляксандр Лукашэнка
