Віктарына. Дзятлаўскаму раёну – 80 гадоў

Дзятлаўскі раён быў утвораны 15 студзеня 1940 года ў складзе Баранавіцкай вобласці.

12 кастрычніка таго ж года падзелены на 15 сельсаветаў. А з 1954 года Дзятлаўшчына ўключана ў склад Гродзенскай вобласці. А што вы ведаеце пра гісторыю роднага краю? Паспрабуйце ўзгадаць цікавыя факты і праверце свае веды, прыняўшы ўдзел у нашай віктарыне.

1. Назавіце першы партызанскі атрад, які быў створаны і дзейнічаў на тэрыторыі нашага раёна?

а) Пушчанскі;

б) імя К. Варашылава;

в) Арлянскі.

2. Які завод найстарэйшы сярод тых, што працуюць на тэрыторыі раёна?

а) Дварэцкі льнозавод;

б) Парэцкі спіртзавод;

в) Дзятлаўскі сыраробны завод.

3. Хто ўзначальваў Дзятлаўскую сельгастэхніку, размешчаную ў вёсцы Міроўшчына, у першыя пасляваенныя гады?

а) Адам Ляшчынскі;

б) Валянцін Біцько;

в) Павел Сарадоеў.

4. Якое сельскагаспадарчае прадпрыемства было шырока вядома ў часы існавання БССР сваімі поспехамі ў развіцці сельскай гаспадаркі?

а) калгас “Беларусь”;

б) калгас “Зара”;

в) калгас “Расія”.

5. Вядомы ў раёне, вобласці і БССР народны калектыў песні і танца “Рэчанька” быў створаны ў калгасе

а) “Перамога”;

б) “1-га Мая”;

в) “Слава працы”.

6. На тэрыторыі якога мясцовага лясніцтва размешчаны заказнік для белавежскіх зуброў?

а) Рудаяварскага;

б) Лявонавіцкага;

в) Дзям’янаўскага.

7. Назавіце памер тэрыторыі нашага раёна па стане на 1992 год:

а) 1,8 тысячы кіламетраў квадратных;

б) 1,6 тысячы кіламетраў квадратных;

в) 1,5 тысячы кіламетраў квадратных.

8. Хто з ураджэнцаў Дзятлаўшчыны быў удзельнікам ХІХ Алімпійскіх гульняў 1968 года ў Мехіка па лёгкай атлетыцы?

а) Міхаіл Жалабоўскі;

б) Сяргей Чудзілоўскі;

в) Галіна Карнацэвіч (Барук).

9. У 1900 годзе ў раёне працавала народнае вучылішча, якое затым было пераўтворана ў адну з сярэдніх школ раёна. Назавіце гэту школу.

а) Дварэцкая;

б) Раготнаўская;

в) Яварская.

10. Дзятлаўшчына ганарыцца землякамі-вучонымі. Назавіце прозвішча сусветна вядомага беларускага вучонага ў галіне медыцыны, доктара медыцынскіх навук, прафесара.

а) Іван Іванавіч Канус;

б) Эдуард Іосіфавіч Груда;

в) Станіслаў Іванавіч Грыб.

11. У 1947 годзе на адным з азёр раёна пачала працаваць электрастанцыя. Назавіце дзе.

а) на возеры ў вёсцы Гезгалы;

б) на возеры ў гарпасёлку Дзятлава;

в) на возеры ў гарпасёлку Наваельня.

 

Міхаіл ЛУК’ЯНЧЫК,
краязнаўца

Подписывайтесь на телеграм-канал «Гродно Медиа Group» по короткой ссылке @GrodnoMediaGroup

Правільныя адказы : 1-в, 2-б, 3-а, 4-в, 5-в, 6-в, 7-в, 8-а, 9-в, 10-а, 11-б.