Ваенная тэхніка “прайшла” праз Дзятлаўшчыну (+відэа)

У адпаведнасці з распараджэннем кіраўніка дзяржавы з 13 снежня падвяргаецца праверцы шэраг злучэнняў воінскіх часцей Узброеных Сіл Рэспублікі Беларусь.

Раней Мінабароны паведамляла, што мерапрыемствы носяць комплексны характар. Войскам трэба ў самыя кароткія тэрміны адправіцца ў прызначаныя раёны, ажыццявіць іх інжынернае забеспячэнне, арганізаваць ахову і абарону, а таксама навесці маставыя пераправы праз рэкі Нёман і Бярэзіну.

У гэты перыяд праходзіць перамяшчэнне ваеннай тэхнікі і асабовага саставу. Сёння ваенная тэхніка “прайшла” праз тэрыторыю Дзятлаўскага раёна.

Як адзначыў у інтэрв’ю рэспубліканскім СМІ дзяржаўны сакратар Савета Бяспекі Беларусі Аляксандр Вальфовіч, для кіраўніцтва Узброеных Сіл праверка праводзіцца раптоўна.

У першую чаргу праверцы падвяргаюцца воінскія часці, якія ўваходзяць у камплект сіл неадкладнага рэагавання, яны перш за ўсё будуць вырашаць задачы ў адпаведнасці з прызначэннем у выпадку абвастрэння абстаноўкі як на граніцах Беларусі, так і ўнутры краіны. У ходзе праверкі адпрацоўваецца шырокі спектр задач: здзяйсненне маршу на вялікія адлегласці і незнаёмыя ўчасткі мясцовасці, дзе будуць выконвацца задачы па ўзяцці пад ахову розных аб’ектаў, заняцці агнявых рубяжоў, выкананні агнявых і тактычных задач.

Вынікі праведзеных мерапрыемстваў будуць даложаны кіраўніку дзяржавы, таксама будзе зроблены глыбокі аналіз.

Ірына КАМАРОВА

Фота і відэа Вольгі ЮШКЕВІЧ, Наталлі АВЯРЧУК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga