Пунктам 3 артыкула 337 Падатковага кодэкса Рэспублікі Беларусь прадугледжана права грамадзян займацца аказаннем паслуг па вырошчванні сельскагаспадарчай прадукцыі спажыўцам без дзяржаўнай рэгістрацыі ў якасці індывідуальнага прадпрымальніка.
Паслугі па вырошчванні сельскагаспадарчай прадукцыі ўключаюць у сябе:
* дзейнасць па раслінаводстве, якая ажыццяўляецца за ўзнагароджанне або на дагаворнай аснове (паслугі па апрацоўцы зямлі, пасеву, вырошчванні і ўборцы ўраджаю; аграхімічныя паслугі: унясенне ўгнаенняў, вапнаванне і гіпсаванне глебы);
* абразанне пладовых дрэваў і вінаграднай лазы;
* перасадку і праполку сельскагаспадарчых культур;
* збор ураджаю;
* засцярогу ад хваробаў, насякомых-шкоднікаў і грызуноў;
* дзейнасць па падтрыманні зямельных угоддзяў у належным стане для сельскагаспадарчага выкарыстання;
* дзейнасць па эксплуатацыі арашальных сістэм і абсталявання;
* апрацоўку насення пасля збору ўраджаю, накіраваную на паляпшэнне іх якасці;
*залажэнне, апрацоўка і склад садоў;
*іншыя паслугі па вырошчванні сельскагаспадарчай прадукцыі.
Да пачатку ажыццяўлення дзейнасці фізічнай асобе неабходна падаць у падатковы орган апавяшчэнне (у пісьмовай форме або ў электронным выглядзе), указаўшы ў ім від дзейнасці, перыяд і месца ажыццяўлення дзейнасці. Затым трэба заплаціць адзіны падатак. Стаўка адзінага падатку, якая падлягае выплаце ў бюджэт, вылічаецца і прад’яўляецца падатковым органам на падставе пададзенага пісьмовага паведамлення, і складзе за месяц у горадзе Дзятлава і Дзятлаўскім раёне – 13 рублёў.
Пры наяўнасці права на зніжэнне ўстаноўленай стаўкі адзінага падатку дакументы, якія пацвярджаюць права на льготу па адзіным падатку, прадастаўляюцца адначасова з паведамленнем. Стаўка адзінага падатку зніжаецца на 20 % для плацельшчыкаў, якія дасягнулі агульнаўстаноўленага пенсійнага ўзросту, для плацельшчыкаў-інвалідаў, для плацельшчыкаў-бацькоў (усынавіцеляў) у шматдзетных сем’ях з трыма і больш дзяцей ва ўзросце да васемнаццаці гадоў, для плацельшчыкаў-бацькоў (усынавіцеляў), якія выхоўваюць дзяцей-інвалідаў ва ўзросце да васемнаццаці гадоў; зніжаецца на 100 % для плацельшчыкаў-бацькоў (усынавіцеляў), якія з’яўляюцца інвалідамі I і II групы і выхоўваюць непаўналетніх дзяцей і (або) дзяцей, якія атрымліваюць адукацыю ў дзённай форме навучання, пры ўмове, што муж (жонка) плацельшчыка таксама з’яўляецца інвалідам I або II групы; на 45 % для плацельшчыкаў, якія маюць права на зніжэнне адначасова па некалькіх падставах, названым вышэй.
Варта ведаць: дзейнасць павінна ажыццяўляцца самастойна без прыцягнення іншых асобаў; парадак прыёму наяўных грашовых сродкаў і вядзення ўліку не ўстаноўлены; выплата адзінага падатку ажыццяўляецца штомесяц і толькі за тыя месяцы, у якіх дзейнасць ажыццяўляецца.
Таццяна КАСЦЮКЕВІЧ,
намеснік начальніка ўпраўлення па працы з плацельшчыкамі па Дзятлаўскім раёне
