Акцыю пад такой назвай напярэдадні Дня абароны дзяцей ладзіла раённая арганізацыя грамадскага аб’яднання “Беларускі саюз жанчын” на чале са старшынёй Аленай Васкель.
Да сябровак з жаночага саюза далучыліся актывісты раённых арганізацый ГА “Белая Русь”, “БРСМ”, “Таварыства Чырвонага Крыжа.
Удзельнікі акцыі пафарбавалі лаўкі і абсталяванне на дзіцячай пляцоўцы у мікрараёне шматпавярховай забудовы па вуліцы Міцкевіча. Старшыня раённай жаночай арганізацыі Алена Васкель патлумачыла, чаму менавіта гэты аб’ект быў выбраны адрасам добрай справы:
– Дзіцячая пляцоўка, па-першае, знаходзіцца ў цэнтры горада недалёка ад парка, па-другое, побач са шматкватэрным арэндным домам-інтэрнатам, дзе жывуць пераважна маладыя сем’і з дзецьмі. Упэўнена, што ад яркіх фарбаў малеча будзе атрымліваць вялікае задавальненне, а мы, як жанчыны, як матулі, заўсёды імкнёмся падарыць радасць дзецям. Таму напярэдадні 1 чэрвеня доўга не думалі, якім чынам гэта зрабіць: вырашылі ўзяцца за пафарбоўку.
– Акцыя, у якой прымаем удзел, нясе людзям дабро, – дзеліцца ўражаннямі Вера Аляксеева, якая прадстаўляе пярвічку Чырвонага Крыжа сярэдняй школы № 1 горада Дзятлава. – Я таксама жыхарка гэтага мікрараёна, сюды гуляць на пляцоўку ходзяць мае дзеці. Як валанцёр Чырвонага Крыжа, заўсёды адгукваюся на падобныя прапановы, асабліва прыемна рабіць што-небудзь карыснае для дзяцей і горада, у якім жыву ўжо дзявяты год.
– Сёння ўсе разам абновім пляцоўку, парадуем маленькіх і дарослых жыхароў мікрараёна, – далучаецца да размовы спецыяліст раённага камітэта ГА “БРСМ”, шматдзетная матуля Наталля Маркава. – Пафарбаванае абсталяванне праслужыць даўжэй, а малеча будзе задаволена яркімі колерамі. У Год народнага адзінства кожнаму з нас прыемна ўнесці свой уклад у скарбонку добрых спраў. Спадзяюся, наш прыклад заахвоціць і іншых дзятлаўчан далучацца да падобных акцый.
За размовамі і справай час праляцеў непрыкметна, на лавачках і арэлях з’явіліся надпісы: “Пафарбавана”, удзельнікі акцыі сабралі рабочы інвентар і вырашылі сфатаграфавацца на памяць. Развітваліся ў цудоўным настроі да новых добрых спраў.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Весела і ўрачыста з песнямі ад мінскай групы “Добрыя людзі”, шчырымі пажаданнямі і заслужанымі ўзнагародамі…
До начала учебного года осталось совсем немного времени, а значит, сейчас самое время подготовиться к…
Президенты Беларуси и Мьянмы во время состоявшейся 20 августа неформальной встречи обсудили все направления сотрудничества.…
21 жніўня ў Гродне прайшла традыцыйная штогадовая жнівеньская педагагічная нарада, якая сабрала разам кіруючых работнікаў…
Член Пастаяннай камісіі Савета Рэспублікі па эканоміцы, бюджэце і фінансах, начальнік галоўнага фінансавага ўпраўлення Гродзенскага…
Анализ аварийности на территории Гродненской области свидетельствует о том, что одними из причин совершения дорожно-транспортных…