На восеньскіх канікулах навучэнцы Дзятлаўшчыны адпачываюць у школьных лагерах раёна.
Адзін з іх, з пазітыўнай назвай “Усмешка”, працуе на базе сярэдняй школы № 1 горада Дзятлава.
Каб канікулы для адпачывальнікаў прайшлі не толькі цікава, але і з карысцю, сюды завітала старшыня раённага савета ГА “БРПА” Ірына Мішчанка. Піянерскі лідар падрыхтавала для дзяцей рэгтайм “У коле сяброў або Дарожныя прыгоды” на паўтарэнне ў гульнявой форме правілаў дарожнага руху.
З дапамогай вясёлых вершаў навучэнцы малодшых класаў прыгадалі дарожныя знакі, успомнілі, як паводзіць сябе на скрыжаванні, пры пераходзе вуліц па пешаходных дарожках са святлафорам і без яго. Пабыць вадзіцелямі, праўда, пакуль цацачных машын, дзеці змаглі ў час гульні ў “Аўтабоўлінг”. На станцыі “Загадкі” яны паўтарылі, якія бываюць віды пасажырскага транспарту. Актыўна адпачыць дапамагла кароткая размінка, а нотку азарту прыўнесла галаваломка “Збяры разрэзаныя машынкі”.
На развітанне хлопчыкі і дзяўчынкі паабяцалі моладзеваму лідару і педагогам быць уважлівымі на дарозе.
Ірына СТЫРНІК
Фотаздымкі прадастаўлены Ірынай МІШЧАНКА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
