Урад скарэкціраваў аплату працы настаўнікаў за кошт пазабюджэтных сродкаў. Урад унёс карэктывы ў аплату працы педагагічных работнікаў за кошт пазабюджэтных сродкаў ад дзейнасці, што прыносіць даходы. Адпаведнае рашэнне змешчана ў пастанове Савета Міністраў ад 14 ліпеня 2017 года нумар 530, паведамляе БЕЛТА са спасылкай на сайт урада. Згодна з дакументам, дзяржаўныя ўстановы адукацыі, што рэалізуюць адукацыйныя праграмы дадатковай адукацыі на платнай аснове, пры аплаце працы педагагічных работнікаў (акрамя кіраўнікоў), якія ўдзельнічаюць у рэалізацыі зместу такіх адукацыйных праграм, за кошт атрыманых ад названай дзейнасці пазабюджэтных сродкаў, могуць прымяняць тарыфную стаўку першага разраду ў памеры, што не перавышае двухразовы памер тарыфнай стаўкі першага разраду для аплаты працы работнікаў бюджэтных арганізацый і іншых арганізацый, што атрымліваюць субсідыі, работнікі якіх прыраўнаваны па аплаце працы да работнікаў бюджэтных арганізацый. Тарыфная стаўка першага разраду, вызначаемая дзяржаўнай установай адукацыі ў прадугледжаных пастановай памерах, падлягае ўзгадненню з дзяржорганам, у падпарадкаванні якога знаходзіцца гэта ўстанова адукацыі (заснавальнікам). Пастанова прынята для ўдасканалення аплаты працы педагагічных работнікаў дзяржустаноў адукацыі. Дакумент уступае ў сілу пасля яго афіцыйнага апублікавання.
БелТА