Сёння ў аграгарадку Хвінявічы адбыўся арганізацыйны сход, на якім абмяркоўваўся ход падрыхтоўкі да семінару-нарады па арганізацыі прафілактычнай дзейнасці назіральных камісій і рабочых груп па забеспячэнні бяспечных умоваў пражывання грамадзян, у рамках узаемадзеяння з грамадскімі пунктамі аховы правапарадку ў Дзятлаўскім раёне.
На сходзе абмяркоўваліся пытанні па навядзенні парадку ў аграгарадку Хвінявічы, у вёсках Агароднікі, Разважжа, Парэчча. Так, на пэўных участках у гэтых мясцовасцях павінны быць устаноўлены і пафарбаваны платы, прыведзены ў парадак і аформлены інфармацыйныя стэнды. На ўзбочынах і тэрыторыях аўтобусных прыпынкаў павінна быць абкошана трава, прыбраны непатрэбныя кустарнікі.
Плануецца правясці рамонтныя работы будынка Дома культуры ў Хвінявічах.
Таксама абмяркоўваліся моманты па рамонце дарог, забеспячэнні гандлю і добраўпарадкаванні некаторых гандлёвых аб’ектаў.
Юлія БАКУНОВІЧ
