26 красавіка ў Дзятлаве, на плошчы 17 Верасня, адбыўся жалобны мітынг-рэквіем памяці ахвяраў аварыі на Чарнобыльскай атамнай электрастанцыі. У ім узялі ўдзел прадстаўнікі раённай улады, духавенства, старшакласнікі школ райцэнтра і іх настаўнікі.
Да прысутных звярнуўся старшыня Дзятлаўскага раённага Савета дэпутатаў Аляксандр Бараноўскі. Ён нагадаў той факт, што аварыя на Чарнобыльскай атамнай станцыі 26 красавіка 1986 года з’яўляецца найбуйнейшай тэхнагеннай катастрофай 20 стагоддзя. У выніку аварыі было забруджана 23% тэрыторыі Беларусі, на забруджанай тэрыторыі апынуліся 2,2 мільёна чалавек, 3700 населеных пунктаў, 479 з якіх былі адселены.
Слова было прадастаўлена ліквідатару аварыі ў Чарнобылі, начальніку Дзятлаўскага раённага аддзела па надзвычайных сітуацыях Уладзіміру Нячаеву. Ён пажадаў падрастаючаму пакаленню знаёміцца толькі на ўроках гісторыі з войнамі і катастрофамі.
За спачын душы людзей, загінулых і памерлых з-за чарнобыльскай катастрофы, памаліліся настаяцель прыхода дзятлаўскага храма Прэабражэння Гасподня протаіерэй Мікалай Пінчук і настаяцель касцёла Унебаўзяцця Найсвяцейшай Панны Марыі ў Дзятлаве ксёндз Здзіслаў Пікула.
Жалобны мітынг-рэквіем завяршыўся хвілінай маўчання ў памяць аб ахвярах Чарнобыля.
Н. АВЯРЧУК
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga