У Дзятлаве абралі «Настаўніка года»

У зале сярэдняй школы №3 горада Дзятлава прайшоў фінал раённага этапу рэспубліканскага конкурсу прафесійнага майстэрства педагагічных работнікаў «Настаўнік года Рэспублікі Беларусь». У барацьбе за званне лепшага педагога прадстаўнікі ўсіх школ і ўстановаў дашкольнай адуцкацыі раёна дэманстравалі свае прафесійныя і творчыя якасці. У фінальным спаборніцтве кожны з канкурсантаў прадставіў выступленне на тэму «Настаўнік учора, сёння, заўтра», праявіўшы артыстызм і крэатыўнасць.

Па выніках агульнай сумы балаў за пройдзеныя конкурсы спашукальнікі звання лепшага педагога атрымалі дыпломы ад раённага аддзела адукацыі, спорту і турызму, а таксама — каштоўныя падарункі ад райкама прафсаюза работнікаў адукацыі і навукі.

Уладальнікамі дыплома першай ступені сталі настаўніца замежнай мовы Хвінявіцкага дзіцячага сада-сярэдняй школы Марына Уладзіміраўна Журко, настаўніца інфарматыкі гімназіі №1 горада Дзятлава Святлана Іосіфаўна Кетка, настаўніца пачатковых класаў сярэдняй школы №3 горада Дзятлава Алена Уладзіміраўна Калодзіч, настаўнік фізічнай культуры і спорту Вензавецкага дзіцячага сада-сярэдняй школы Сяргей Міхайлавіч Карнэлік, настаўніца біялогіі Вензавецкага дзіцячага сада-сярэдняй школы Аксана Віктараўна Роўба, настаўніца рускай мовы і літаратуры сярэдняй школы №3 горада Дзятлава Святлана Уладзіміраўна Урбан. Пераможцы раённага этапу прадставяць Дзятлаўшчыну ў у абласным туры конкурсу “Настаўнік года Рэспублікі Беларусь”.

Больш падрабязную інфармацыю чытайце ў газеце «Перамога»