Свята вады – Вадохрышча,
Час варажбы на надвор’е,
На ўраджаі добрыя
І на шчаслівую долю.
Свята вады – традыцыя
І далучэнне да Бога.
Свет нараджаецца нанава,
З душ адлятаюць трывога,
Зайздрасць, спакуса, гнеўнасць –
Страшныя ўсе заганы.
Чыстай вадой крыштальнай
Гоім мы сэрца раны.
Слабасці духу, цела
Кропляй вады зганяем,
Лекуем свет здранцвелы
І чысцінёй напаўняем.
На Іардань –Хрышчэнне
Крыжам асвечаны воды.
Шэрань, мароз і сонца –
Радуецца прырода.
Алена Абрамчык
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
