Па добрай традыцыі штогад удзел у дабрачыннай рэспубліканскай навагодняй акцыі “Нашы дзеці” прымае Дзятлаўскае аддзяленне рэспубліканскага грамадскага аб’яднання “Беларускі дзіцячы фонд”.
Гэты год не стаў выключэннем. У рамках акцыі віншаванні ад аб’яднання атрымалі 14 юных жыхароў раёна, якія маюць інваліднасць і атрымліваюць адукацыю дома. Старшыня Дзятлаўскага раённага аддзялення РГА “Беларускі дзіцячы фонд” Алена Чайкоўская і педагогі ўстановаў раёна выехалі на адрасы асаблівых дзяцей, каб падарыць ім не толькі грашовыя сертыфікаты і шакалад ад Беларускага дзіцячага фонду, але і радасць сустрэчы, цёплыя сардэчныя віншаванні, навагодні настрой. Дарослыя пажадалі кожнаму дзіцяці здароўя, ажыццяўлення жаданняў, цікавых і казачных падзей ў новым 2023 годзе.
Акцыя “Нашы дзеці” з Беларускім дзіцячым фондам завітала да асаблівых юных жыхароў горада Дзятлава, гарадскіх пасёлкаў Казлоўшчына і Наваельня, аграгарадкоў Круцілавічы і Вензавец, вёскі Норцавічы. Словы шчырай падтрымкі ад гасцей і найлепшыя пажаданні таксама гучалі на адрас законных прадстаўнікоў дзетак.
Ірына СТЫРНІК
Фотаздымкі прадастаўлены Аленай ЧАЙКОЎСКАЙ
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
7 мая Міжнародны алімпійскі камітэт зняў усе абмежаванні з беларускіх спартсменаў, такім чынам адкрыўшы ім…
Напярэдадні 9 Мая ў рамках мерапрыемстваў у падтрымку дзіцяча-юнацкага футбола ў Рэспубліцы Беларусь Дзятлаўшчыну наведаў…
Дыялогавая пляцоўка пад такой назвай прайшла ў гімназіі № 1 горада Дзятлава. Пагаварылі пра тое,…
Член Пастаяннай камісіі Савета Рэспублікі па эканоміцы, бюджэце і фінансах, начальнік галоўнага фінансавага ўпраўлення Гродзенскага…
Этот важный день служит напоминанием о необходимости сохранения и укрепления ценностей гуманности, сострадания и безвозмездной…