На пляцоўцы побач з Казлоўшчынскім Домам культуры адбылося свята “Каб памяталі” да 78-й гадавіны вызвалення пасёлка ад нямецка-фашысцкіх захопнікаў.
Традыцыйна святкаванне пачалося з тэатралізаванага экскурсу ў гісторыю, у час якога ўзгадалі ахвяраў і герояў самай страшнай у гісторыі нашага народа Вялікай Айчыннай вайны.
З асаблівымі словамі прывітання і ўдзячнасці за нераўнадушша, ініцыятыўнасць і гаспадарлівасць у Год гістарычнай памяці да землякоў звярнуўся старшыня Казлоўшчынскага сельвыканкама Вадзім Бялятка.
З пасялковай сцэны гучалі віншаванні на адрас юбіляраў, а таксама – самых пажылых і юных жыхароў пасёлка.
У Доме культуры разгарэлася сапраўдная баталія – шахматны турнір пакаленняў паміж гульцамі са Слоніма і Дзятлава.
Бурныя эмоцыі ў дзяцей выклікала паказальнае выступленне ратаўнікоў.
Для гасцей мерапрыемства ладзілася канцэртная праграма, працавалі тэматычныя пляцоўкі і атракцыёны.
Свята пасёлка Казлоўшчына “Каб памяталі” прадоўжылася летняй дыскатэкай.
Фота Яўгена ГОРБАЧА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
